കെ.പി.എസ്.ടി.എ തിരൂർ വിദ്യാഭ്യാസ ജില്ലാ സ്ഥാപക ദിനാഘോഷം സംഘടിപ്പിച്ചു

കെ.പി.എസ്.ടി.എ തിരൂർ വിദ്യാഭ്യാസ ജില്ലാ കമ്മിറ്റി വിവിധ പരിപാടികളോടെ സ്ഥാപക ദിനാഘോഷം സംഘടിപ്പിച്ചു. സംസ്ഥാന വൈസ് പ്രസിഡൻ്റ് കെ.എൽ ഷാജു ഉദ്ഘാടനം ചെയ്തു. ബെന്നി തോമസ് അധ്യക്ഷനായി. സി.വി സന്ധ്യ, പി രാമകൃഷ്ണൻ, ടി.കെ സതീശൻ, പി.ജി സജീവ്, എ.പി നാരായണൻ, ഷഫീക്ക്, സിബി തോമസ്, ഹസീനബാൻ, കെ.വി പ്രഷീദ്, എം.കെ.എം ഫൈസൽ, കെ ബിജു, സി.ടി പ്രദീപ് കുമാർ പ്രസംഗിച്ചു.

വിവിധ ഉപജില്ലാ ഭാരവാഹികളായി തെരഞ്ഞെടുക്കപ്പെട്ടവരെ അനുമോദിച്ചു. സ്ഥാപകദിനാചരണത്തിൻ്റെ ഭാഗമായി യൂണിറ്റ് തലങ്ങളിൽ തൈ നടൽ, ലൈബ്രറിയിലേക്ക് പുസ്തക സമർപ്പണം തുടങ്ങി വൈവിധ്യമാർന്ന പരിപാടികൾ നടന്നു.