പൊന്നാനി ഉപജില്ലാ കെ.പി.എസ്.ടി.എ പ്രീ പ്രൈമറി കൺവെൻഷൻ നടന്നു
പൊതുവിദ്യാഭ്യാസ മേഖലയെ ശക്തമാക്കുന്നതിൽ വലിയ പങ്ക് വഹിക്കുന്ന പ്രീ പ്രൈമറി അധ്യാപകരെ പെരുവഴിയിലാക്കാനുള്ള നീക്കത്തിൽ നിന്ന് സർക്കാർ പിന്തിരിയണമെന്ന് കെ.പി.എസ്.ടി.എ പൊന്നാനി ഉപജില്ലാ പ്രീ പ്രൈമറി കൺവെൻഷൻ ആവശ്യപ്പെട്ടു. ശമ്പളം നിഷേധിച്ച നടപടി പിൻവലിക്കണം. തുച്ഛമായ വേതനത്തിന് വലിയ ജോലിഭാരം പേറുന്ന പ്രീ പ്രൈമറി അധ്യാപകരുടെ നിയമന അംഗീകാരവും ആനുകൂല്യങ്ങളും അനുവദിക്കുന്നതിൽ സർക്കാറിൻ്റെ തൊഴിലാളി വിരുദ്ധ സമീപനം തീർത്തും അന്യായമാണ്.
10 വർഷത്തിലേറെയായി ജോലി ചെയ്യുന്ന അധ്യാപകർ പോലും അവഗണന നേരിടുകയാണ്. കാലോചിതമായി വേതനം വർദ്ധിപ്പിക്കേണ്ട സമയത്ത് ഉള്ള ആനുകൂല്യങ്ങൾ തന്നെ ഇല്ലാതാക്കുകയാണ്. ഇതിനെതിരെ ശക്തമായി രംഗത്തിറങ്ങാനും സമരം വ്യാപിപ്പിക്കാനും തീരുമാനിച്ചു.
സംസ്ഥാന സമിതി അംഗം ടി.കെ സതീശൻ മാസ്റ്റർ ഉദ്ഘാടനം ചെയ്തു. മമിത ടീച്ചർ അധ്യക്ഷയായി. ഷീന ടീച്ചർ, ജിനി, ദിപു ജോൺ, എം പ്രജിത് കുമാർ, പ്രദീപ് കുമാർ, ടി.വി നൂറുൽ അമീൻ, സി.കെ റഫീഖ്, മോഹൻദാസ്, കെ.എം ജയനാരായണൻ, സോഫി ജോൺ എന്നിവർ സംസാരിച്ചു.
#360malayalam #360malayalamlive #latestnews
