Ponnani
ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ടിന് സ്ഥലം വിട്ടു നൽകാൻ ധാരണയായി
പൊന്നാനി കേന്ദ്രമാക്കി ആരംഭിക്കുന്ന ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ടിന് സ്ഥലം
വിട്ടു നൽകാൻ എം.എൽ.എ യുടെ നേതൃത്വത്തിൽ നടന്ന പദ്ധതി സ്ഥല സന്ദർശനത്തിൽ ധാരണയായി . പൊന്നാനി ഹാർബറിൽ കിഴക്ക് ഭാഗത്തായി
ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ട് സ്ഥാപിക്കാൻ ആവശ്യമായി വരുന്ന സ്ഥലം വിട്ടു നൽകാനുള്ള നടപടിക്രമങ്ങൾ എത്രയും ഉടനെ പൂർത്തീകരിക്കാനാണ് ധാരണ. കടലിന്റെ മാറ്റങ്ങളും, ഘടനയും സമഗ്രമായി
പരിശോധിക്കുകയാണ് ഹൈഡ്രോഗ്രാഫിക് ഇന്‍സ്റ്റിറ്റ്യൂട്ടിന്റെ പ്രധാന ലക്ഷ്യം .
കടലിന്റെ ആഴം, തിരയടിയുടെ ശക്തി ,
മണ്ണിന്റെ ഘടന, വേലിയേറ്റ - വേലിയിറക്ക
സമയങ്ങളില്‍ കടല്‍ തീരത്തുണ്ടാകുന്ന മാറ്റങ്ങള്‍ , കടല്‍ തീരത്ത് വര്‍ഷങ്ങളായുണ്ടായ കടലാക്രമണത്തിന്റെ തോത് , കടലോരത്തെ കാലാവസ്ഥ വ്യതിയാനം തുടങ്ങിയ നിരവധി
കാര്യങ്ങൾ പരിശോധിച്ച് കടലോരത്ത് വരുത്തേണ്ട മാറ്റങ്ങള്‍ എന്തൊക്കെയെന്ന്
ശാസ്ത്രീയമായി കണ്ടെത്താൻ
ഇതുവഴി കഴിയും . കടല്‍ ഭിത്തിയുടെ ശാസ്ത്രീയത, കടലാക്രമണം ചെറുക്കുന്നതിന് പ്രയോഗിക സമീപനങ്ങള്‍ തുടങ്ങിയവ ഉള്‍പ്പെടെയുള്ള നിര്‍ദേശങ്ങള്‍ സര്‍ക്കാറിന് നല്‍കാനും ഹൈഡ്രോഗ്രാഫിക്
ഇന്‍സ്റ്റിറ്റ്യൂട്ടിന് സാധിക്കും. ഹൈഡ്രോഗ്രാഫിക് ഇന്‍സ്റ്റിറ്റ്യൂട്ട് സ്ഥാപിച്ചാല്‍ കടലിലുണ്ടാകുന്ന വ്യതിയാനങ്ങള്‍ നേരത്തെ തിരിച്ചറിഞ്ഞ് പ്രതിവിധി കണ്ടെത്താന്‍ കഴിയും .
രൂക്ഷമായ കടലാക്രമണ ബാധിത
പ്രദേശമായ പൊന്നാനിക്ക്
ഹൈഡ്രോഗ്രാഫിക് ഇന്‍സ്റ്റിറ്റ്യൂട്ട്
വലിയ തോതിൽ ഗുണകരമായി മാറും .
പൊന്നാനി നഗരസഭയിലെ പഴയ കെട്ടിടത്തിൽ പുതിയ കെട്ടിടം ആകുന്നത് വരെ
താൽക്കാലികമായി ഓഫീസ് പ്രവർത്തനങ്ങൾ
ആരംഭിക്കാനാണ് ആലോചിക്കുന്നത് .
ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ട് ആരംഭിക്കാൻ ഏറ്റവും ഉചിതമായ സ്ഥലമാണ് പൊന്നാനി ഹാർബറിലെ നിർദിഷ്ട സ്ഥലമെന്ന് സന്ദർശക സംഘം വിലയിരുത്തി . പൊന്നാനി നഗരസഭാ ചെയർമാൻ ശിവദാസ് ആറ്റുപുറത്ത് , മലബാർ മേഖല പോർട്ട് ഓഫീസർ ക്യാപ്റ്റൻ അശ്വിൻ , ഹൈഡ്രോഗ്രാഫിക്ക് മറൈൻ സർവേയർ വർഗീസ് , സി പി ഐ എം പൊന്നാനി ഏരിയാ സെക്രട്ടറി അഡ്വ പികെ ഖലിമുദ്ധീൻ ഹാർബറിലെ സ്ഥലം സന്ദർശനത്തിന് എംഎൽഎ ക്കൊപ്പം
ഉണ്ടായിരുന്നു .
#360malayalam #360malayalamlive #latestnews
പൊന്നാനി കേന്ദ്രമാക്കി ആരംഭിക്കുന്ന ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ടിന് സ്ഥലം
വിട്ടു നൽകാൻ എം.എൽ.എ യുടെ നേതൃത്വത്തിൽ നടന്ന ... Read More on: http://360malayalam.com/single-post.php?nid=6669
പൊന്നാനി കേന്ദ്രമാക്കി ആരംഭിക്കുന്ന ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ടിന് സ്ഥലം
വിട്ടു നൽകാൻ എം.എൽ.എ യുടെ നേതൃത്വത്തിൽ നടന്ന ... Read More on: http://360malayalam.com/single-post.php?nid=6669
ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ടിന് സ്ഥലം വിട്ടു നൽകാൻ ധാരണയായി
പൊന്നാനി കേന്ദ്രമാക്കി ആരംഭിക്കുന്ന ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ടിന് സ്ഥലം
വിട്ടു നൽകാൻ എം.എൽ.എ യുടെ നേതൃത്വത്തിൽ നടന്ന പദ്ധതി സ്ഥല സന്ദർശനത്തിൽ ധാരണയായി . പൊന്നാനി ഹാർബറിൽ കിഴക്ക് ഭാഗത്തായി
ഹൈഡ്രോഗ്രാഫിക്ക് ഇൻസ്റ്റിറ്റ്യൂട്ട് സ്ഥാപിക്കാൻ ആവശ്യമായി വരുന്ന സ്ഥലം വിട്ടു നൽകാനുള്ള നടപടിക്രമങ്ങൾ എത്രയും തുടർന്ന് വായിക്കൂ...
