പൊന്നാനി നഗരസഭയുടെ സമഗ്ര പച്ചക്കറി കൃഷി വികസനപദ്ധതിക്ക്‌ തുടക്കമായി
വേനൽക്കാല പച്ച കൃഷി പ്രോത്സാഹനത്തിന്റെ ഭാഗമായുള്ള സമഗ്ര പച്ചക്കറി കൃഷി വികസനപദ്ധതിക്ക്‌ പൊന്നാനി നഗരസഭയിൽ തുടക്കമായി. നഗരസഭയുടെ 2021-22 വാർഷിക പദ്ധതിയുടെ ഭാഗമായാണ് പദ്ധതി നടപ്പിലാക്കുന്നത്. അഞ്ച് ലക്ഷം രൂപയാണ് നഗരസഭാ പദ്ധതിക്കായി വകയിരുത്തിയിട്ടുള്ളത്. വിത്ത്, വളം, ഗ്രോബാഗ്, കൂലി ചെലവ് തുടങ്ങിയവയുടെ വിതരണം പദ്ധതിയുടെ ഭാഗമായി ഉൾപ്പെടുത്തിയിട്ടുണ്ട്.
പുക്കയിൽ പാട ശേഖരത്ത് വച്ച് നടന്ന പദ്ധതിയുടെ ഔപചാരിക ഉദ്ഘാടനം നഗരസഭാ ചെയർമാൻ ശിവദാസ് ആറ്റുപുറം നിർവഹിച്ചു. വികസനകാര്യ സ്ഥിരം സമിതി ചെയർപേഴ്സൺ എം.ആബിദ അധ്യക്ഷത വഹിച്ച ചടങ്ങിൽ, സ്ഥിരം സമിതി ചെയർമാന്മാരായ രജീഷ് ഊപ്പാല, ഷീന സുദേശൻ, കൗൺസിലർമാരായ പി. ഷാഹുൽ ഹമീദ്, എ. അബ്ദുൾ സലാം, കൃഷി ഓഫീസർ എ.സലീം, എ.എഫ്.ഒ പ്രദീപ് എന്നിവർ സംബന്ധിച്ചു.
#360malayalam #360malayalamlive #latestnews
