പൊന്നാനി നിയോജക മണ്ഡലത്തിലെ ലൈഫ് പദ്ധതി അവലോകന യോഗം നടന്നു

പൊന്നാനി നിയോജക മണ്ഡലത്തിലെ ലൈഫ് പദ്ധതി അവലോകന യോഗം പി. നന്ദകുമാർ എം.എൽ.എ യുടെ നേതൃത്വത്തിൽ പൊന്നാനി നഗരസഭാ ഹാളിൽ ചേർന്നു . ലൈഫ് പദ്ധതി പ്രവർത്തനങ്ങൾ കൂടുതൽ കാര്യക്ഷമമാക്കാനും ലിസ്റ്റിൽ ഉൾപ്പെട്ടവർക്ക് എത്രയും ഉടനെ വീട് ലഭ്യമാക്കാനുള്ള കാര്യങ്ങളാണ് പ്രധാനമായും ചർച്ച ചെയ്തത് . സാങ്കേതിക തടസ്സങ്ങൾ നീക്കി സമയ ബന്ധിതമായി ഗുണഭോക്താക്കൾക്ക് വീട് നിർമാണം പൂർത്തീകരിക്കാനുള്ള പ്രവർത്തനങ്ങൾക്ക് ഊന്നൽ നൽകാനും യോഗം തീരുമാനിച്ചു .

യോഗത്തിൽ പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് അഡ്വ ഇ.സിന്ധു അധ്യക്ഷത വഹിച്ചു . പൊന്നാനി നഗരസഭാ വൈസ് ചെയർപേഴ്‌സൺ ബിന്ദു സിദ്ധാർത്ഥൻ , ആലംകോട് പഞ്ചായത്ത് പ്രസിഡന്റ് ഷെഹീർ , നന്നംമുക്ക് പഞ്ചായത്ത് പ്രസിഡന്റ് മിസ്‌രിയ , വെളിയംകോട് പഞ്ചായത്ത് പ്രസിഡന്റ് ഷംസു കല്ലാട്ടയിൽ , പെരുമ്പടപ്പ് പഞ്ചായത്ത് വൈസ് പ്രസിഡന്റ് നിസാർ ,മാറഞ്ചേരി പഞ്ചായത്ത് വൈസ് പ്രസിഡന്റ് അസീസ് എന്നിവർ സംസാരിച്ചു .