ആർ.ആർ.ടി വളണ്ടിയർമാർക്ക് പാലിയേറ്റീവ് പരിചരണത്തിൽ പരിശീലനം നൽകി
പാലിയേറ്റിവ് കെയർ ദിനാചരണങ്ങളുടെ ഭാഗമായി പൊന്നാനി നഗരസഭയുടെ ആഭിമുഖ്യത്തിൽ പാലിയേറ്റീവ് പരിചരണ പരിശീലനം നൽകി. പരിചരണം കൂടുതൽപേരിലേക്ക് വ്യാപിപ്പിക്കുന്നതിനായാണ് വാർഡുതല ആർ.ആർ.ടി വളണ്ടിയർമാർക്ക് പരിശീലനം നൽകിയത്. പൊന്നാനി താലൂക്ക് ആശുപത്രിയിൽ വച്ച് നടന്ന പരിശീലന പരിപാടിയിൽ 'പാലിയേറ്റിവ് പരിചരണം സ്ഥാപനങ്ങൾക്കും അപ്പുറം' എന്ന വിഷയത്തിൽ ക്ലാസ് എടുത്തു.
പരിശിലന പരിപാടി നഗരസഭാ ചെയർമാൻ ശിവദാസ് ആറ്റുപുറം ഉദ്ഘാടനം നിർവഹിച്ചു. ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ ശ്രീ രജീഷ് ഊപ്പാല അദ്ധ്യക്ഷത വഹിച്ച ചടങ്ങിൽ കൗൺസിലർ ഫർഹാൻ ബിയ്യം, താലൂക്ക് ആശുപത്രി സൂപ്രണ്ട് ഡോ ഷാജ്കുമാർ , ആർ.എം.ഒ ഡോക്ടർ ഷെമിൽ , പാലിയേറ്റിവ് ഡോക്ടർ നസില, നേഴ്സിങ്ങ് സൂപ്രണ്ട് ശ്രീമതി അംബുജാക്ഷി, പാലിയേറ്റിവ് നേഴ്സ് ഗ്രിഷ തുടങ്ങിയവർ ആശംസകൾ അർപ്പിച്ചു. തുടർന്ന് റഷീദ് മാറഞ്ചേരി വിഷയത്തേപ്പറ്റി ക്ലാസ് എടുത്തു. നഗരസഭയിലെ വിവിധ വാർഡുകളിൽ നിന്നായി 40 ആർ.ആർ.ടി വളണ്ടിയർമാർ പരിശിലനത്തിൽ പങ്കെടുത്തു.
#360malayalam #360malayalamlive #latestnews #ponnaninagarasabha