എഴുത്തുകാരെയും മാധ്യമ പ്രവർത്തകരെയും അക്ഷരാദരം പുരസ്‌കാരം നൽകി ആദരിക്കുന്നു
മാറഞ്ചേരി ഡിവിഷന്റെ ആഭിമുഖ്യത്തിൽ മലപ്പുറം ജില്ലാ പഞ്ചായത്ത് മാറഞ്ചേരി ഡിവിഷനിലെ എഴുത്തുകാരെയും , മാധ്യമ പ്രവർത്തകരെയും അക്ഷരാദരം പുരസ്‌കാരം നൽകി ആദരിക്കുന്നു. ഡിസംബർ 23ന് നാല് മണിക്ക് വെളിയങ്കോട് എംടിഎം കോളേജിൽ വെച്ച് ഇ.ടി. സൈമൺ മാസ്റ്റർ എം.എൽ.എ അക്ഷരാദരം പരിപാടി ഉദ്ഘാടനം ചെയ്യും. ജില്ലാ പഞ്ചായത്ത് അംഗം എ.കെ സുബൈർ അധ്യക്ഷനാകും. ജില്ലാ പഞ്ചായത്ത് ആരോഗ്യ വിദ്യഭ്യാസ സ്റ്റാന്റിങ് കമ്മറ്റി ചെയർപേഴ്‌സൺ നബീസ അസീസ് മയ്യേരി മുഖ്യാതിഥിയാകും.
ചടങ്ങിൽ ഫൈസൽ ബാവ, എഴുത്തുകാരൻ, വിവർത്തകൻ എൻ. മൂസക്കുട്ടി, വെളിയങ്കോട് പഞ്ചായത്ത് പ്രസിഡന്റ് ഷംസു കല്ലാട്ടേൽ, മാറഞ്ചേരി പഞ്ചായത്ത് സമീറ ഇളയിടത്ത് , പെരുമ്പടപ്പ് പഞ്ചായത്ത് പ്രസിഡന്റ് ബിനീഷ മുസ്തഫ, പി.കെ കൃഷ്ണദാസ്, ഡോ അബ്ദുൾ അസീസ് , പ്രഗിലേഷ് തുടങ്ങിയവർ പങ്കെടുക്കും.
വാർത്താസമ്മേളനത്തിൽ സ്വാഗത സംഘം ചെയർമാൻ എ.കെ സുബൈർ, കൺവീനർ ഷുഹൈബ്, ജോ കൺവീനർമാരായ പ്രഗിലേഷ് , ഫൈസൽ ബാവ, ജാബിർ, ഷാഫി തവയിൽ എന്നിവർ പത്ര സമ്മേളനത്തിൽ പങ്കെടുത്തു.
#360malayalam #360malayalamlive #latestnews
