രാജ്യത്തെ കോവിഡ് കേസുകള് 30 ലക്ഷത്തിലേക്ക്; കഴിഞ്ഞ 24 മണിക്കൂറിനിടെ രോഗം ബാധിച്ചത് 69,878 പേര്ക്ക്
രാജ്യത്ത് കോവിഡ് കേസുകള് 30 ലക്ഷത്തിലേക്ക് അടുക്കുന്നു. കഴിഞ്ഞ 24 മണിക്കൂറിനിടെ 69,878 പേര്ക്കാണ് രോഗം ബാധിച്ചത്. ഇതോടെ രാജ്യത്തെ കോവിഡ് ബാധിതരുടെ എണ്ണം 29,75,702 ആയി. കഴിഞ്ഞ 24 മണിക്കൂറിനിടെ രാജ്യത്ത് 945 പേര് മരിക്കുകയും ചെയ്തതോടെ ആകെ മരണസംഖ്യ 55,794 ആയി.
നിലവിൽ 6,97,330 പേരാണ് കോവിഡ് ബാധിച്ച് ചികിത്സയിലുള്ളത്. ഇതുവരെ 22,22,577 പേർ രോഗമുക്തരായി. രാജ്യത്തെ പ്രതിദിന കോവിഡ് പരിശോധന പത്തു ലക്ഷം കടന്നതായും ആരോഗ്യ മന്ത്രാലയം അറിയിച്ചു. ഇന്നലെ നടത്തിയത് 10,23,836 സാമ്പിൾ പരിശോധനയാണ്.
അതേസമയം കേസുകള് അതിവേഗം വര്ധിച്ചതോടെ ഉത്തര്പ്രദേശ്, ഹരിയാന, പഞ്ചാബ് തുടങ്ങിയ സംസ്ഥാനങ്ങള് ഞായറാഴ്ച ലോക്ഡൗണ് പ്രഖ്യാപിച്ചു. മഹാരാഷ്ട്ര(6,57,450) തമിഴ്നാട്(3,67,460) ആന്ധ്രാപ്രദേശ്(3,34,940)കര്ണാടക(2,64,546)ഉത്തര്പ്രദേശ്(1,77,239) എന്നീ സംസ്ഥാനങ്ങളിലാണ് കോവിഡ് ബാധിതര് കൂടുതലുള്ളത്.
Spike of 69,878 cases and 945 deaths reported in India, in the last 24 hours.
— ANI (@ANI) August 22, 2020
The #COVID19 tally in the country rises to 29,75,702 including 6,97,330 active cases, 22,22,578 cured/discharged/migrated & 55,794 deaths: Ministry of Health and Family Welfare pic.twitter.com/a9QR8C0OUg
#360malayalam #360malayalamlive #latestnews