പൊന്നാനിയിൽ കുടുംബശ്രീ കച്ചവട സംരഭത്തിന് തുടക്കമായി

സംരംഭക സൗഹൃദ നഗരസഭ എന്ന പൊന്നാനി നഗരസഭയുടെ ലക്ഷ്യത്തിന് ആക്കം കൂട്ടുന്നതിനായി കുടുംബശ്രീ കച്ചവട സംരഭത്തിന് തുടക്കമായി. പൊന്നാനി നഗരസഭയിലെ കുടുംബശ്രീ സി.ഡി.എസ് ഒന്നിൻ്റെ കീഴിലുള്ള വാത്സല്യം അയൽകൂട്ടാംഗമാണ് പുതിയ സംരംഭം  ആരംഭിച്ചത്. പൊന്നാനി നഗരസഭ എൻ.യു.എൽ.എം പദ്ധതി പ്രകാരമാണ് പലചരക്ക് വ്യാപാരം ആരംഭിച്ചത്. നഗരസഭയിലെ 13ാം വാർഡിലാണ് എ.എസ് സ്റ്റോർ പ്രവർത്തിക്കുന്നത്. സ്ത്രീകളെ സംരംഭക രംഗത്തേക്ക് എത്തിക്കുന്നതിൻ്റെ ഭാഗമായി നഗരസഭ എൻ.യു.എൽ.എം പദ്ധതി പ്രകാരം ഒട്ടനവധി സാഹചര്യങ്ങളാണ് ഒരുക്കുന്നത്.

സ്ഥാപനത്തിൻ്റെ ഉദ്ഘാടനം നഗരസഭാ ചെയർമാൻ ശിവദാസ് ആറ്റുപുറം നിർവ്വഹിച്ചു. ക്ഷേമകാര്യ സ്ഥിരം സമിതി ചെയർമാൻ രജീഷ് ഊപ്പാല അധ്യക്ഷത വഹിച്ച ചടങ്ങിൽ സി.ഡി.എസ് പ്രസിഡൻ്റ് മിനി, എ.ഡി.എസ് പ്രസിഡൻ്റ് ഉമൈബ, സംരംഭകരായ തനൂജ, ധന്യ, സി.ഡി.എസ് അക്കൗണ്ടൻ്റ് സനോജ് തുടങ്ങിയവർ സംബന്ധിച്ചു.