കെ.പി.എസ്.ടി.എ വിദ്യാലയങ്ങളിലെ ശുചീകരണ യജ്ഞത്തിന് തുടക്കമായി

സ്കൂൾ തുറക്കുന്നതിൻ്റെ മുന്നോടിയായി അധ്യാപക സംഘടനയായ കെ.പി.എസ്.ടി.എ യൂത്ത് കെയറിൻ്റെ സഹകരണത്തോടെ വിദ്യാലയങ്ങൾ അണുവിമുക്തമാക്കുന്ന പരിപാടിക്ക് തുടക്കമായി. പാലപ്പെട്ടി സൗത്ത് എ എം എൽ പി സ്കൂളിലാണ് ഉപജില്ലാ തല ശുചീകരണ യജ്ഞത്തിന് തുടക്കം കുറിച്ചത്. തുടർന്ന് ആദ്യദിവസം പുതിയിരുത്തി എ.എം.എൽ.പി സ്കൂൾ, പാലപ്പെട്ടി ജി.എഫ്.യു.പി സ്കൂൾ എന്നിവിടങ്ങളിൽ ശുചീകരണം നടത്തി.

കെ.പി.എസ്.ടി.എ സംസ്ഥാന കമ്മിറ്റി അംഗം ടി.കെ.സതീശൻ ഉദ്ഘാടനം ചെയ്തു. ജില്ലാ ജോ. സെക്രട്ടറി എം.കെ.എം.അബ്ദുൾ ഫൈസൽ,  ജില്ല കമ്മറ്റി അംഗങ്ങളായ ദിപു ജോൺ, എം. പ്രജിത്ത്കുമാർ,  സബ് ജില്ല ഭാരവാഹികളായ എം കോയക്കുട്ടി, സി.പി അബ്ദുൽ ഹമീദ്, സി.കെ റഫീഖ്, ആനിഫ്, ടി.വി ബൈജു, പ്രധാനാധ്യാപകരായ സീനത്ത് പുന്നിലത്ത്, ധന്യ വിശ്വം, യൂത്ത് കെയർ ഭാരവാഹികളായ എ.എം ജംഷീർ, ബി.എ റാസിഖ് നേതൃത്വം നൽകി.