രണ്ടാം ഘട്ട സൗജന്യ കുളമ്പുരോഗ പ്രതിരോധ കുത്തിവെയ്പ്പിന് തുടക്കമായി
കേരള സർക്കാർ മൃഗസംരക്ഷണ വകുപ്പിൻ്റെ നേതൃത്വത്തിൽ നടത്തുന്ന സൗജന്യ കുളമ്പുരോഗ പ്രതിരോധ കുത്തിവെയ്പ്പിന് പൊന്നാനി നഗരസഭയിൽ തുടക്കമായി. ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായാണ് പ്രതിരോധ കുത്തിവെയ്പ്പ് നടത്തുന്നത്. ഒക്ടോബർ 6 മുതൽ നവംബർ 3 വരെയാണ് സൗജന്യ കുത്തിവെപ്പ്. നാലുമാസവും അതിന് മുകളിലും പ്രായമുള്ള പശു - എരുമ വർഗത്തിൽപ്പെട്ട മുഴുവൻ കന്നുകാലികൾക്കുമായാണ് കുത്തിവെപ്പ്.
പൊന്നാനി ഉറൂബ് നഗറിലെ വെറ്റിനറി ഡിസ്പെൻസറിൽ വെച്ച് നടന്ന പരിപാടിയുടെ ഔദ്യോഗിക ഉദ്ഘാടനം നഗരസഭാ ചെയർമാൻ ശിവദാസ് ആറ്റുപുറം നിർവ്വഹിച്ചു. വികസനകാര്യ സ്ഥിരം സമിതി ചെയർപേഴ്സൺ എം.ആബിദ അധ്യക്ഷത വഹിച്ച ചടങ്ങിൽ വെറ്ററിനറി ഡോക്ടർമാരായ ഡോ.സിനി. ഡോ.അങ്കിരസ് തുടങ്ങിയവർ സംബന്ധിച്ചു.
#360malayalam #360malayalamlive #latestnews
