മാറഞ്ചേരി ഗ്രാമപഞ്ചായത്തിൽ വ്യാജ സീൽ ഉണ്ടാക്കി കൃത്രിമ ടോക്കൺ നിർമ്മിച്ചതിനെതിരെ യു.ഡി.എഫ് ജനപ്രതിനിധികൾ രംഗത്ത്
മാറഞ്ചേരി ഗ്രാമപഞ്ചായത്തിൽ കോവിഡ് വാക്സിനേഷൻ ലഭിക്കാനായി വ്യാജ സീൽ ഉണ്ടാക്കി കൃത്രിമ ടോക്കൺ നിർമ്മിച്ചതിനെതിരെ യു.ഡി.എഫ് ജനപ്രതിനിധികൾ രംഗത്ത്. മാറഞ്ചേരി ഗ്രാമപഞ്ചായത്തിന്റെ നിയന്ത്രണത്തിലുള്ള മാറഞ്ചേരി പ്രൈമറി ഹെൽത്ത് സെന്ററിലേക്ക് അനുവദിക്കുന്ന വാക്സിനുകൾ പഞ്ചായത്ത് ഭരണസമിതിയുടെ തീരുമാനപ്രകാരം പഞ്ചായത്തിലെ ജനങ്ങൾക്ക് വിതരണം ചെയ്യുന്നതിനു വേണ്ടി കമ്മിറ്റി രൂപീകരിക്കുകയും പഞ്ചായത്തിലെ സീൽ അടിച്ച ടോക്കൺ വിതരണം ചെയ്ത് വാക്സിൻ നൽകി വരുന്നതുമാണെന്നും യാതൊരു ആക്ഷേപവും ഇല്ലാതെ നടന്നുവന്നിരുന്ന വാക്സിൻ ക്യാമ്പിൽ വാക്സിനേഷന് വേണ്ടി എത്തിയ തൊഴിലുറപ്പ് തൊഴിലാളികൾക്ക് വാക്സിൻ ലഭിക്കാതെ വന്നതിനെ തുടർന്ന് അന്വേഷണം നടത്തിയതിൽ പഞ്ചായത്തിലെ സീൽ വ്യാജമായി ഉണ്ടാക്കി കൃത്രിമ ടോക്കൺ വിതരണം ചെയ്തതായി ബോധ്യപ്പെട്ടിട്ടുണ്ടെെന്നും യു.ഡി.എഫ് അംഗങ്ങൾ വാർത്ത സമ്മേളനത്തിൽ അറിയിച്ചു. സംഭവത്തിൽ പഞ്ചായത്ത് പ്രസിഡന്റിനെതിരെ ആവിശ്വാസപ്രമേയത്തിന് നോട്ടീസ് നൽകുമെന്നും നേതാക്കൾ വാർത്താസമ്മേളനത്തിൽ അറിയിച്ചു.
വിശദമായ വീഡിയോ വാർത്ത കാണാം 360മലയാളം ടിവിയിൽ
Facebook: https://www.facebook.com/360malayalam/videos/248457070485811/
Youtube: https://youtu.be/SLQ8ZNrTB3o
Website: http://www.360malayalam.com
വാക്സിൻ എടുക്കുന്നതിന് വേണ്ടി ഓട്ടോറിക്ഷ വിളിച്ചു വന്നവർക്ക് വാക്സിൻ ലഭിക്കാതായതിനെ തുടർന്ന് ആശാ വർക്കർമാർക്കും ആരോഗ്യ പ്രവർത്തകർക്കും ജനപ്രതിനിധികൾക്കും അനിഷ്ടകരമായ വാക്കുകൾ കേൾക്കേണ്ടി വന്നു. വ്യാജമായി സിൽ ഉണ്ടാക്കുകയും ആയത് ഉപയോഗിച്ച് പഞ്ചായത്തിനെ ഒന്നാകെ മനപ്പൂർവം അവഹേളിക്കുന്ന രൂപത്തിൽ പ്രവർത്തിക്കുകയും ചെയ്തത് കുറ്റകരമായ പ്രവർത്തിയാണ്. മേപ്പടി കുറ്റകരമായ പ്രവർത്തി ചെയ്തവർക്കെതിരെ തക്കതായ നിയമ നടപടികൾ സ്വീകരിക്കണം. അതിനാൽ തെറ്റ് ചെയ്തവരെ കണ്ടെത്തി നിയമത്തിനു മുന്നിൽ കൊണ്ടുവന്ന് മാതൃകാപരമായി ശിക്ഷിക്കണമെന്നും വാർത്ത സമ്മേളനത്തിൽ അറിയിച്ചു. വാർത്താസമ്മേളനത്തിൽ പങ്കെടുത്തവർ ടി. മാധവൻ ,അഡ്വ. കെ.എ. ബക്കർ, ഹിളർ കാഞ്ഞിരമുക്ക്, സംഗീത രാജൻ, സുലൈഖ റസാഖ് എന്നിവർ പങ്കെടുത്തു.
#360malayalam #360malayalamlive #latestnews