പൊന്നാനി ഹാർബറിൽ നിന്ന് മൽസ്യബന്ധനത്തിന് പോയി കാണാതായ മൽസ്യ തൊഴിലാളികളെ കണ്ടെത്തുന്നതിന് എം.എൽ.എയുടെ അടിയന്തിര ഇടപെടൽ

പൊന്നാനി ഹാർബറിൽ നിന്ന് മൽസ്യബന്ധനത്തിന് പോയി കാണാതായ മൽസ്യ തൊഴിലാളികളെ കണ്ടെത്തുന്നതിന് എം.എൽ.എയുടെ അടിയന്തിര ഇടപെടൽ. പൊന്നാനി ഹാർബറിൽ നിന്ന് 25-08-2021 ന് മത്സ്യബന്ധനത്തിന്  പോയ "ഷഹബാസ്" എന്ന പേരിലുള്ള ഫൈബർ വള്ളം തിരിച്ചെത്താത്തതിനെ തുടർന്ന് 28-08-2021ന് ബന്ധപ്പെട്ടവർ പൊന്നാനി കോസ്റ്റൽ പോലീസ് സ്റ്റേഷനിൽ വിവരം അറിയിക്കുകയായിരുന്നു . പൊന്നാനി മരക്കടവ് സ്വദേശിയായ ഹബീബ് തണ്ണീർക്കുടിയന്റെ ഉടമസ്ഥതതയിലുള്ള ഫൈബർ വള്ളത്തിൽ പൊന്നാനി സ്വദേശികളായ ഖാലിദ് , ബാദുഷ , തിരുവനന്തപുരം സ്വദേശികളായ സാബു , ജോസഫ് , ബംഗാൾ സ്വദേശി സിറാജ് എന്നിങ്ങനെ അഞ്ചു പേരെയാണ് കാണാതായിട്ടുള്ളത്.

വിവരമറിഞ്ഞയുടൻ പൊന്നാനി  പി. നന്ദകുമാർ എം.എൽ.എ, ഫിഷറീസ് വകുപ്പ് മന്ത്രി സജി ചെറിയാൻ , ഫിഷറീസ് ഡയറക്ടർ , ജില്ലാ കളക്ടർ , ബേപ്പൂർ - എറണാകുളം കോസ്റ്റ്ഗാർഡ് മേധാവികൾ , കോസ്റ്റൽ പോലീസ് ഐജി ,മലപ്പുറം എസ്പി  എന്നിവരെ വിവരമറിയിക്കുകയും ഇതിനെ തുടർന്ന്  ബേപ്പൂർ - എറണാകുളം ഗാർഡ് ടീമുകൾ മൽസ്യ തൊഴിലാളികളെ കണ്ടെത്താനുള്ള തിരച്ചിൽ ഊര്ജിതപ്പെടുത്തിയിരിക്കുകയാണ് .

ഇന്ന് എംഎൽഎ നേരിട്ടെത്തി പൊന്നാനി കോസ്റ്റൽ പൊലീസ് സ്റ്റേഷൻ, ഫിഷറീസ് ഡെപ്യൂട്ടി ഡയറക്ർ ഓഫീസ് എന്നിവിടങ്ങളിലെ ഉദ്യോഗസ്ഥരുമായി സംസാരിക്കുകയും വേണ്ട നിർദേശങ്ങൾ നൽകുകയും ചെയ്‌തു. മത്സ്യത്തൊഴിലാളി യൂണിയൻ നേതാക്കളായ (CITU) ഹമീദ് , റഹീം , സഹീർ എന്നിവരും എംഎൽഎക്കൊപ്പം ഉണ്ടായിരുന്നു .