സ്വർണ്ണം, വെള്ളി വ്യാപാരികൾ കരിദിനമാചരിച്ചു

പുതിയ ബിഐഎസ് ഹാൾമാർക്കിംങ്ങ് സംവിധാനമായ എച്ച് യു ഐ ഡി ( ഹാൾമാർക്കിംങ് യൂണിക്ക് ഐഡിൻ്റിഫിക്കേഷൻ) നടപ്പിലാക്കുന്നതിനെതിരെ എകെജിഎസ്എംഎ  മാറഞ്ചേരി യൂണിറ്റ് കരിദിനമാചരിച്ചു. അഖിലേന്ത്യ വ്യാപകമായി സ്വർണ്ണം, വെളളി വ്യാപാരികൾ സംയുക്തമായാണ് സമരം സംഘടിപ്പിക്കുന്നത്. സംസ്ഥാനതലത്തിൽ എകെജിഎസ്എംഎ (ആൾ കേരള ഗോൾഡ് & സിൽവർ മർച്ചൻ്റ് അസോസിയേഷൻ) ആണ് സമരത്തിന് നേതൃത്വം കൊടുക്കുന്നത്. മാറഞ്ചേരി യൂണിറ്റ് സംഘടിപ്പിച്ച പ്രതിഷേധ സമരം എകെജിഎസ്എംഎ സംസ്ഥാന കമ്മിറ്റി അംഗം നെൽജോനീലങ്കാവിൽ ഉദ്ഘാടനം ചെയ്തു. എച്ച് യു ഐ ഡി നടപ്പിലാക്കുന്നത്  രണ്ട് വർഷത്തേക്ക് നീട്ടിവയ്ക്കണമെന്ന് ആവശ്യപ്പെട്ടു. യൂണിറ്റ് പ്രിസിഡൻ്റ് പി.കെ അബ്ദുൾ സത്താർ അധ്യക്ഷനായി. പി. എം ഷെമീർ, ഉദയകുമാർ എന്നിവർ സംസാരിച്ചു.