നല്ല ഭക്ഷണ പ്രസ്ഥാനം മൂല്യവർദ്ധിത ഉൽപ്പന്നങ്ങൾ വിപണിയിലിറങ്ങി

ആരോഗ്യ ജീവിതം പ്രോത്സാഹിപ്പിക്കുന്ന കൃഷി രീതികളെ പ്രചരിപ്പിക്കുകയും കാർഷിക ഉൽപ്പന്നങ്ങൾക്കായി പ്രാദേശിക വിപണി സംവിധാനം സംഘടിപ്പിക്കുകയും ചെയ്ത പൊന്നാനി താലൂക്ക് നല്ല ഭക്ഷണ പ്രസ്ഥാനം ബ്രാൻ്റിംഗുള്ള മൂല്യവർദ്ധിത ഉൽപ്പന്നങ്ങൾ വിപണിയിലിറക്കി. 

പൊന്നാനിയിലും പരിസര പ്രദേശങ്ങളിലുമായി ഉൽപ്പാദിപ്പിച്ച വിഷവിമുക്തമായ മഞ്ഞൾപ്പൊടി, വെളിച്ചെണ്ണ, , തവിടുള്ള പുട്ടുപൊടി, പത്തിരിപ്പൊടി, അവിൽ, കുരുമുളക് പൊടി തുടങ്ങിയവയാണ് ബ്രാൻഡഡ് ഉൽപ്പന്നങ്ങളായി ആദ്യഘട്ടത്തിൽ ഇറക്കുന്നത്. പുളിക്കക്കടവിലെ നല്ല ഭക്ഷണ പ്രസ്ഥാനം ദിവസച്ചന്തയിൽ നടന്ന ചടങ്ങിൽ പി. നന്ദകുമാർ എം.എൽ.എ ഉൽപ്പന്നങ്ങൾ സി. ജി താരാനാഥന് നൽകി വിപണനോദ്ഘാടനം നിർവഹിച്ചു. നഗരസഭ ചെയർമാൻ ശിവദാസ് ആറ്റുപുറം, ക്ഷേമകാര്യ സ്ഥിരം സമിതി ചെയർമാൻ രജീഷ് ഊപ്പാല, വി .അശോക കുമാർ, ഡോ: എം സിജിൻ, എ. ആർ അമ്പിളി, വി. പി ഗംഗാധരൻ, ഗീത, ഉദയ, ബിന്ദു, രിജിത, വാസുദേവൻ നമ്പൂതിരി , തുടങ്ങിയവർ പങ്കെടുത്തു പച്ചക്കറികൾ, പഴങ്ങൾ, പലവ്യഞ്ജനങ്ങൾ പാലുൽപ്പന്നങ്ങൾ, കോഴിമുട്ട തുടങ്ങിയവ  ലഭ്യമാകുന്ന സ്ഥിരം  ദിവസച്ചന്ത രാവിലെ ഒമ്പത് മുതൽ വൈകീട്ട്  ഏഴ് വരെയാണ് പ്രവർത്തിക്കുന്നത്. ദിവസച്ചന്തയിലെ ഫോൺ നമ്പർ 96560 86680