പൊന്നാനി നഗരസഭയില്‍ കുടുംബശ്രീ ഓണച്ചന്ത ആരംഭിച്ചു
ഓണ വിപണിയെ ലക്ഷ്യമാക്കി പൊന്നാനി നഗരസഭാ കുടുബശ്രീ ഓണചന്ത ആരംഭിച്ചു. നഗരസഭാ സി.ഡി.എസ് ഒന്നിന്റെ നേതൃത്വത്തില്‍ പൊന്നാനി ബസ് സ്റ്റാന്റ് പരിസരത്താണ് ചന്തയ്ക്ക് തുടക്കമായത്. നഗരസഭ പരിധിയിലെ കുടുംബശ്രീ അംഗങ്ങള്‍ നിര്‍മ്മിച്ച ഉല്‍പ്പന്നങ്ങളും കര്‍ഷകരില്‍ നിന്ന് നേരിട്ട് ശേഖരിച്ച ഉല്‍പ്പന്നങ്ങളുമാണ് വിപണത്തിനുള്ളത്.
കുടുംബശ്രീ ഓണച്ചന്തയുടെ ഉദ്ഘാടനം നഗരസഭാ ചെയര്‍മാന്‍ ശിവദാസ് ആറ്റുപുറം നിര്‍വ്വഹിച്ചു. ക്ഷേമകാര്യ സ്ഥിരം സമിതി ചെയര്‍മാന്‍ രജീഷ് ഊപ്പാല അധ്യക്ഷനായ ചടങ്ങില്‍ ആദ്യ വില്‍പന നഗരസഭ വൈസ് ചെയര്‍പേഴ്‌സണ്‍ ബിന്ദു സിദ്ധാര്‍ത്ഥന്‍ ഏറ്റുവാങ്ങി. സ്ഥിരം സമിതി അധ്യക്ഷന്‍ മാരായ എം. ആബിദ, ഷീന സുദേശന്‍, കൗണ്‍സിലര്‍ ഫര്‍ഹാന്‍ ബിയ്യം, സി.ഡി.എസ് പ്രസിഡന്റ് മിനി, മെമ്പര്‍ സെക്രട്ടറി ജസീല എന്നിവര്‍ സംസാരിച്ചു.
#360malayalam #360malayalamlive #latestnews #onam
