പെരിന്തൽമണ്ണയിൽ യുവതിയെ കുത്തിക്കൊന്നു ; കുത്തേറ്റ സഹോദരിയുടെ നില ഗുരുതരം

പെരിന്തൽമണ്ണയിൽ യുവതിയെ കുത്തിക്കൊന്നു. പെരിന്തൽമണ്ണ സ്റ്റേഷൻ പരിധിയിൽ ഏലംകുളം എളാട് കൂഴംന്തറയിലെ ചെമ്മാട്ടിൽ  ബാലചന്ദ്രൻ്റെ മകൾ  ദൃശ്യ (21)യാണ് കൊല്ലപ്പെട്ടത്. സഹോദരി ദേവശ്രീ ( 13 )ക്കും കുത്തേറ്റു. രാവിലെ ഏഴരയോടെ കൂടി വീടിൻ്റെ രണ്ടാം നിലയിലെ റൂമിൽ കയറിയ പ്രതി കത്തി കൊണ്ട്  ദൃശ്യയെ കൊലപ്പെടുത്തുകയായിരുന്നു.  പ്രതി പെരിന്തൽമണ്ണ മുട്ടുങ്ങൽ പൊതുവയിൽ കൊണ്ടപറമ്പ്  വിനീഷ് വിനോദിനെ (21) പൊലീസ്  കസ്റ്റഡിയിലെടുത്തു. പ്രേമം നിരസിച്ചതിലുള്ള വിരോധമാണെന്നാണ് സൂചന.

കഴിഞ്ഞ ദിവസം രാത്രി പത്തു മണിയോടെ കൊല്ലപ്പെട്ട വിദ്യാർത്ഥിനിയുടെ പിതാവിൻ്റെ  പെരിന്തൽമണ്ണയിലുള്ള  സി.കെ സ്റ്റോഴ്സ് സ്ഥാപനം അഗ്നിക്കിരയായിരുന്നു. ഈ സംഭവവും പൊലീസ് അന്വേഷിക്കുന്നുണ്ട്.