സൗജന്യ പച്ചക്കറി മാർക്കറ്റിന് തുടക്കമായി

വെളിയംകോട് പഞ്ചായത്തിലെ എട്ടാം വാർഡിൽ സൗജന്യ പച്ചക്കറി മാർക്കറ്റിന് തുടക്കമായി. യൂത്ത് കെയറും ഇമോസ് എരമംഗലവും സംയുക്തമായി ആരംഭിച്ച എട്ടാം വാർഡിലെ സൗജന്യ പച്ചക്കറി മാർക്കറ്റിന്റെ ഉൽഘാടനം പി.ടി. അജയ് മോഹൻ നിർവഹിച്ചു. ആദ്യ കിറ്റിന്റെ വിതരണം വെളിയംകോട് പഞ്ചായത്ത് പ്രസിഡണ്ട് കല്ലാട്ടേൽ ഷംസു നിർവഹിച്ചു.

ബ്ലോക്ക് പഞ്ചായത്ത് മെമ്പർ നൂറുദ്ധീൻ, വാർഡ് മെമ്പർ ഷീജ സുരേഷ്, സി.കെ.പ്രഭാകരൻ തുടങ്ങിയവർ സംസാരിച്ചു.

ലോക്ഡൗൺ കാലാവധി തീരും വരെ പുഴക്കരയിൽ പ്രവർത്തിക്കുന്ന സൗജന്യ പച്ചക്കറി മാർക്കറ്റിൽ നിന്നും അർഹരായവർക്ക് പച്ചക്കറികൾ എത്തിക്കുമെന്ന് നേതൃത്വം നൽകുന്നവർ അറിയിച്ചു.