കിടപ്പിലായ രോഗികൾക്ക് വീട്ടിൽ പോയി വാക്സിൻ നൽകുന്ന പദ്ധതിക്ക് പൊന്നാനിയിൽ തുടക്കമായി
കിടപ്പിലായ രോഗികൾക്ക് വീട്ടിൽ പോയി വാക്സിൻ നൽകുന്ന പദ്ധതിക്ക് പൊന്നാനി നഗരസഭയിൽ തുടക്കമായി. നഗരസഭ പരിധിയിലെ മുഴുവൻ വാർഡുകിലുമുള്ള കിടപ്പിലായ രോഗികൾ, അതിവൃദ്ധർ, മാനസിക ശാരീരിക വെല്ലുവിളികൾ നേരിടുന്നവർ തുടങ്ങിയവർക്കായാണ് വാക്സിൻ നൽകുന്നത്. പൊന്നാനി താലൂക്ക് ആശുപതി, പാലിയേറ്റീവ് കെയർ തുടങ്ങിയവയുടെ സഹകരണത്തോടെയാണ് വാക്സിൻ നൽകുന്ന പരിപാടി സംഘടിപ്പിക്കുന്നത്.
ബുധനാഴ്ച നഗരസഭാ ബഡ്സ് റീഹാബിലിറ്റേഷൻ സെൻ്ററിലെ പഠിതാക്കൾ, മറ്റ് ഭിന്നശേഷിക്കാർ എന്നിവർക്കായി ഏ.വി ഹയർസെക്കണ്ടറി സ്കൂളിൽ വെച്ച് വാക്സിനേഷൻ ക്യാമ്പ് സംഘടിപ്പിക്കുന്നുണ്ട്.
പൊന്നാനി നഗരസഭാ ആറാം വാർഡിൽ വെച്ച് കിടപ്പിലായ രോഗികൾക്കായുള്ള വാക്സിനേഷന് തുടക്കമായി. നഗരസഭ ചെയർമാൻ ശിവദാസ് ആറ്റുപുറം, വാർഡ് കൗൺസിലർ ഷാലി പ്രദീപ്, ഡോക്ടർ അൽത്താഫ്, ഹെൽത്ത് ഇൻസ്പെക്ടർ സക്കീർ ഹുസൈൻ, പാലിയേറ്റീവ് നേഴ്സ് ഗ്രിഷ, ജെ.പി.എച്ച്.എൻ ജിഷ, പാലിയേറ്റീവ് നേഴ്സ് ബിനോയ്, ഫിസിയോ തെറാപ്പിസ്റ്റ് അമീൻ, ആശാ വർക്കർ മിനി തുടങ്ങിയവർ പങ്കെടുത്തു.
#360malayalam #360malayalamlive #latestnews #ponnani #vaccine