പരിസ്ഥിതി പുനസ്ഥാപനം എല്ലാവരുടേയും ഉത്തരവാദിത്തം: ജില്ലാ കലക്ടര്‍
ലോക പരിസ്ഥിതി ദിന സന്ദേശം ഉള്‍ക്കൊണ്ട് പ്രവര്‍ത്തിക്കാന്‍ എല്ലാവരും പ്രതിജ്ഞയെടുക്കണമെന്ന് മലപ്പുറം ജില്ലാ കലക്ടര്‍ കെ. ഗോപാലകൃഷ്ണന്‍. 'പരിസ്ഥിതി പുനസ്ഥാപനം' എന്നതാണ് 2021 ലെ പരിസ്ഥിതി ദിന സന്ദേശം. ഒരു ദിവസത്തില്‍ ഒതുങ്ങുന്നതാകരുത് പരിസ്ഥിതി സംരക്ഷണ പ്രവര്‍ത്തനങ്ങള്‍. ആരോഗ്യകരമായ ആവാസ വ്യവസ്ഥ സംരക്ഷിച്ച് വരും തലമുറകള്‍ക്ക് കൈമാറേണ്ട ഉത്തരവാദിത്തം എല്ലാവര്‍ക്കുമുണ്ടെന്നും ജില്ലാ കലക്ടര്‍ ഓര്‍മ്മിപ്പിച്ചു.
പരിസ്ഥിതി ദിനാചരണത്തിന്റെ ഭാഗമായി കലക്ടറേറ്റ് പരിസരത്ത് ജില്ലാ കലക്ടര്‍ വൃക്ഷത്തൈ നട്ടു. ദുരന്തനിവാരണ വിഭാഗം ഡെപ്യൂട്ടി കലക്ടര്‍ ജി.എസ്. രാധേഷ്, ഹുസൂര്‍ ശിരസ്തദാര്‍ കെ. ദേവകി, റവന്യൂ വകുപ്പ് ജീവനക്കാര്‍ തുടങ്ങിയവര്‍ പങ്കെടുത്തു.
#360malayalam #360malayalamlive #latestnews #malappuram #june5
