പൊന്നാനിയിൽ കോവിഡ് ഫസ്റ്റ് ലൈൻ ട്രീറ്റ്മെൻ്റ് സെൻ്റർ തിങ്കളാഴ്ച മുതൽ പ്രവർത്തനം ആരംഭിക്കുന്നു

 പൊന്നാനി നഗരസഭയുടെ കീഴിൽ സജ്ജമാക്കിയ കോവിഡ് കോവിഡ് ഫസ്റ്റ് ലൈൻ ട്രീറ്റ്മെൻ്റ് സെൻ്റർ തിങ്കളാഴ്ച മുതൽ പ്രവർത്തനം ആരംഭിക്കുന്നു. പൊന്നാനി എം.ഇ.എസ് കോളേജ് ഹോസ്റ്റലിലാണ് ചികിത്സാ കേന്ദ്രം തുടങ്ങുന്നത്. 25 പുരുഷന്മാർക്കും 25 സ്ത്രീകൾക്കുമായി 50 ബെഡുകളുള്ള കോവിഡ് ചികിത്സാ കേന്ദ്രമാണ് നഗരസഭയുടെ നേതൃത്വത്തിൽ സജ്ജമാക്കിയിട്ടുള്ളത്. ഡോക്ടറും സ്റ്റാഫ് നേഴ്സുമടങ്ങുന്ന മെഡിക്കൽ ടീം ചികിത്സ നൽകുന്നതിനായി സെൻററിലുണ്ടാകും. 

കോവിഡ് പോസിറ്റീവായ വീടുകളിൽ ക്വാറൻ്റയിൻ സൗകര്യം ഇല്ലാത്തവർക്കായി ഐ.സി.എസ്. ആറിൽ ഡൊമിസൈൽ കെയർ സെൻ്റർ ഇതിനോടകം നഗരസഭ  ആരംഭിച്ചിട്ടുണ്ട്.