രാജ്യത്ത് 24 മണിക്കൂറിനിടെ 3,79,257 കോവിഡ് കേസുകൾ

രാജ്യത്ത് അതിതീവ്ര കോവിഡ് വ്യാപനം തുടരുന്നു. കഴിഞ്ഞ 24 മണിക്കൂറിനിടെ 3,79,257 കോവിഡ് സ്ഥിരീകരിച്ചു.  3,645 പേർ കൊവിഡ് ബാധിച്ച് മരിച്ചു. 24 മണിക്കൂറിനിടെ 2,69,507 പേർ രോഗമുക്തി നേടി.

ഇന്ത്യയിൽ പ്രതിദിന കൊവിഡ് ബാധിതരുടെ എണ്ണം വർധിക്കുകയാണ്. ഇതുവരെയുള്ളതിൽ ഏറ്റവും ഉയർന്ന കൊവിഡ് കണക്കാണ് ഇന്ന് റിപ്പോർട്ട് ചെയ്തത്. രാജ്യത്തെ പ്രതിദിന കോവിഡ് രോഗികളുടെ എണ്ണം മൂന്നുലക്ഷം കവിയാൻ തുടങ്ങിയിട്ട് ഒരാഴ്ചയിലധികമായി. ഏപ്രിൽ 15 മുതൽ പ്രതിദിന കോവിഡ് കേസുകളുടെ എണ്ണം രണ്ടുലക്ഷത്തിൽ അധികമായിരുന്നു. മെഡിക്കൽ ഓക്സിജൻ, ആശുപത്രിക്കിടക്കകൾ, അവശ്യ മരുന്നുകൾ തുടങ്ങിയവയുടെ ദൗർലഭ്യം കോവിഡ് പ്രതിരോധത്തിൽ വൻവെല്ലുവിളിയാണ് സൃഷ്ടിക്കുന്നത്.

 ഇതുവരെ 1,83,76,524 പേർക്കാണ് കോവിഡ് സ്ഥിരീകരിച്ചത്. ഇതിൽ 1,50,86,878 പേർ രോഗമുക്തി നേടി. കോവിഡ് ബാധിച്ച് ആകെ മരണം 2,04,832 ആയി. നിലവിൽ 30,84,814 പേരാണ് കോവിഡ് ബാധിച്ച് ചികിത്സയിലുള്ളത്.