പി.നന്ദകുമാറിന് കോവിഡ് സ്ഥിരീകരിച്ചു

പൊന്നാനി നിയോജക മണ്ഡലത്തിൽ എൽ ഡി എഫ് സ്ഥാനാർത്ഥിയായി മത്സരിച്ച പി.നന്ദകുമാറിന് കോവിഡ് സ്ഥിരീകരിച്ചു. അടുത്ത ദിവസങ്ങളിൽ അദേഹവുമായി സമ്പർക്കത്തിൽ ഏർപ്പെട്ടവർ നിരീക്ഷണത്തിൽ പോകണമെന്ന് നന്ദകുമാർ ഫെയ്സ് ബുക്കിലൂടെ ആവശ്യപ്പെട്ടു.  

ഏപ്രിൽ ആറിനായിരുന്നു സംസ്ഥാനത്ത് തെരഞ്ഞെടുപ്പ് നടന്നത്. മെയ് രണ്ടിന് വരുന്ന തെരഞ്ഞെടുപ്പ് ഫലം കാത്തിരിക്കുന്നതിനിടെയാണ് പി.നന്ദകുമാറിന് കോവിഡ് സ്ഥിരീകരിച്ചത്. മുഖ്യമന്ത്രി പിണറായി വിജയൻ, യു ഡി എഫ് നേതാവ് ഉമ്മൻ ചാണ്ടി എന്നിവർക്കെല്ലാം തെരഞ്ഞെടുപ്പ് പോളിംഗ് കഴിഞ്ഞതിന് ശേഷം ഇതിനോടകം കോവിഡ് സ്ഥിരീകരിച്ചിട്ടുണ്ട്. പി നന്ദകുമാർ സിഐടിയു ദേശീയ നേതാവ് കൂടിയാണ്.