ചേകനൂരില്‍ അടച്ചിട്ട വീട്ടില്‍ വന്‍ കവര്‍ച്ച
എടപ്പാള്‍: എടപ്പാള്‍ ചേകനൂരില്‍ അടച്ചിട്ട വീട്ടില്‍ നിന്ന് 125 പവന്‍ സ്വര്‍ണ്ണവും 60000 രൂപയും കവര്‍ന്നു.ചേകനൂര്‍ പോട്ടൂര്‍ റോഡില്‍ മുതുമുട്ടത്ത് മുഹമ്മദ്കുട്ടിയുടെ വീട്ടിലാണ് ഈ വൻ കവര്‍ച്ച നടന്നത്. വ്യാഴാഴ്ച കാലത്ത് 11 മണിയോടെ വീട്ടുകാര്‍ ബന്ധുക്കളുടെ വീട്ടില്‍ പോയി രാത്രി 9 മണിയോടെ വീട്ടില്‍ തിരിച്ചെത്തിയപ്പോഴാണ് വന്‍കവര്‍ച്ച നടന്ന വിവരം വീട്ടുകാര്‍ അറിയുന്നത്.വീടിന്റെ ടെറസിന് മുകളില്‍ വാതില്‍ തുറന്നിട്ട നിലയിലായിരുന്നു. വാതിലുകള്‍ തകര്‍ക്കാത്ത രീതിയില്‍ ആയത് കൊണ്ട് തന്നെ വീട്ടുകാര്‍ പുറത്ത് പോകുന്നതറിഞ്ഞ മോഷ്ടാവ് നേരത്തെ വീട്ടില്‍ കയറിയിട്ടുണ്ടാവുമെന്നാണ് നിഗമനം. തിരൂര്‍ ഡിവൈഎസ്പി സുരേഷ്ബാബു പൊന്നാനി സിഐ മഞ്ജിത്ത് ലാല്‍, ചങ്ങരംകുളം സിഐ ബഷീര്‍ ചിറക്കല്‍ എന്നിവരുടെ നേതൃത്വത്തില്‍ സ്ഥലത്ത് പരിശോധന നടത്തി
#360malayalam #360malayalamlive #latestnews
