സംസ്ഥാനത്ത് പത്ത്, പ്ലസ് ടു ക്‌ളാസുകള്‍ നാളെ മുതല്‍; സ്‌കൂളുകള്‍ തുറക്കും
തിരുവനന്തപുരം: സംസ്ഥാനത്തെ സ്‌കൂളുകളും കോളജുകളും നാളെ ഭാഗികമായി തുറക്കുന്നു. കോവിഡ് വ്യാപനത്തെ തുടര്‍ന്ന് ഒന്‍പത് മാസത്തെ ഇടവേളക്ക് ശേഷമാണ് വിദ്യാര്‍ഥികള്‍ എത്തുക . പൊതുപരീക്ഷയ്ക്കു മുന്നോടിയായി ഓണ്‍ലൈന്‍ ക്‌ളാസുകളിലൂടെ പൂര്‍ത്തിയാക്കിയ പാഠഭാഗങ്ങളുടെ സംശയനിവാരണം, റിവിഷന്‍ എന്നിവക്കു വേണ്ടിയാണ് സ്‌കൂളുകള്‍ തുറക്കുക . 10,12 ക്ലാസുകളില്‍ പഠിക്കുന്ന 7 ലക്ഷത്തിലേറെ വിദ്യാര്‍ത്ഥികളാണ് സക്‌ളൂകളിലേക്ക് എത്തുന്നത്. ഹാജര്‍ നിര്‍ബന്ധമാക്കിയട്ടില്ല. സ്‌കൂളിലെത്തുന്ന കുട്ടികള്‍ക്ക് രക്ഷാകര്‍ത്താക്കളുടെ സമ്മതപത്രം നിര്‍ബന്ധമാണ്. സ്‌കൂള്‍ തുറക്കുന്ന ആദ്യ ആഴ്ച സുരക്ഷയ്ക്കാണു മുന്‍ഗണന. കര്‍ശന കൊവിഡ് മാനദണ്ഡങ്ങള്‍പാലിച്ചാവും പ്രവര്‍ത്തി ക്കുക . പരമാവധി ഒരുക്‌ളാസില്‍ 15 വിദ്യാര്‍ഥികളായിരിക്കും ഉണ്ടാകുക. ഒരു ബെഞ്ചില്‍ ഒരാള്‍ മാത്രം ഇരിക്കുക .രാവിലെയും ഉച്ചതിരിഞ്ഞും എന്നതരത്തിൽ അല്ലേൽ ഒന്നിടവിട്ട ദിവസങ്ങളെന്ന രീതിയിലോ ഷിഫ്റ്റ് ക്രമീകരിക്കും.
മാസ്‌ക്ക്, സാനിറ്റെസര്‍ എന്നിവ നിര്‍ബന്ധമാണ്. ക്ലാസിനുള്ളിലും പുറത്തും അധ്യാപകരും വിദ്യാര്‍ഥികളും ശാരീരിക അകലം പാലിക്കണം . ഡിഗ്രി, പിജി അവസാന വര്‍ഷക്കാരാണ് കോളജുകളിലെത്തുക. കൊവിഡ് സുരക്ഷ ക്യാമ്ബലുകളിലും കര്‍ശനമാക്കും. മാര്‍ച്ച്‌ അവസാനത്തിന് മുന്‍പ് പ്ലസ് 2, എസ്.എസ്.എല്‍സി പരീക്ഷകള്‍ പൂര്‍ത്തിയാക്കും വിധം അക്കാദമിക്ക് കലണ്ടര്‍ പിന്തുടരും. കോളജുകളിലെ അവസാന വര്‍ഷ പരീക്ഷ സംബന്ധിച്ച്‌ സര്‍വകലാശാലകളാണ് തീരുമാനമെടുക്കുക.
#360malayalam #360malayalamlive #latestnews
