വിദ്യാർഥികളുടെയും അധ്യാപകരുടെയും എണ്ണം കുറയ്ക്കണം; സ്കൂൾ തുറക്കുന്നതുമായി ബന്ധപ്പെട്ട മാർഗ്ഗനിർദ്ദേശം
തിരുവനന്തപുരം: ജനുവരിയില് സ്കൂളിലെത്തുന്ന വിദ്യാര്ഥികളുടേയും അധ്യാപകരുടേയും എണ്ണം കുറയ്ക്കണമെന്നും എണ്ണം സ്കൂള് അധികൃതര്ക്ക് തീരുമാനിക്കാമെന്നും വിദ്യാഭ്യാസ ഗുണമേന്മാ സമിതി (ക്യു.ഐ.പി.) യോഗത്തില് തീരുമാനം. വിദ്യാഭ്യാസ വകുപ്പിന് കീഴിലുള്ള വിവിധ ഏജന്സികളുടെ ഏകോപനത്തോടെ, വിദ്യാര്ഥികള്ക്ക് പഠനപിന്തുണയും ആവശ്യമെങ്കില് കൗണ്സിലിംഗും നല്കുന്ന തിനുള്ള നടപടികള് സ്വീകരിക്കും. കോവിഡിന്റെ പശ്ചാത്തലത്തില് ഓരോ വിഷയത്തിന്റെയും ഊന്നല് മേഖലകള് പ്രത്യേകം നിശ്ചയിക്കുന്നതിനും അതനുസരിച്ച് വിലയിരുത്തല് സമീപനം നിര്ണ്ണയിക്കുന്നതിനും എസ്.ഇ.ഇ.ആര്.ടിയെ ചുമതലപ്പെടുത്തി.
10, 12 ക്ലാസ്സുകളിലെ പൊതുപരീക്ഷകള് സംബന്ധിച്ച വിജ്ഞാപനം ഉടന് പ്രസിദ്ധീകരിക്കുന്നതാണ്. ഇതിനുള്ള മാര്ഗ്ഗനിര്ദേശങ്ങള് സ്കൂളുകള്ക്ക് നല്കും. സ്കൂള്തലത്തില് ഇതിനാവശ്യമായ ക്രമീകരണങ്ങള് ഒരുക്കുന്നതിനായി പിടിഎ യോഗങ്ങള് ഒരാഴ്ചക്കുള്ളില് ചേരും. ജനുവരി 1 മുതല് 10, 12 ക്ലാസ്സുകളിലെ കുട്ടികള്ക്ക് സംശയ നിവാരണത്തിനായി രക്ഷിതാക്കളുടെ സമ്മതത്തോടെ സ്കൂളുകളില് എത്താവുന്നതാണ്. സ്കൂള് തുറക്കുന്നത് സംബന്ധിച്ചും, പരീക്ഷകള് സംബന്ധിച്ചും സാമൂഹ്യമാധ്യമങ്ങളിലൂടെ വ്യാജവാര്ത്തകള് പ്രചരിപ്പിക്കുന്നവര്ക്കെതിരെ നിയമ നടപടികള് സ്വീകരിക്കുന്നതാണ്.
#360malayalam #360malayalamlive #latestnews