മലപ്പുറം സ്വദേശികളെ 22 കിലോ കഞ്ചാവുമായി പിടികൂടി

ഒറ്റപ്പാലം: പാലക്കാട് ഡാൻസാഫ് സ്ക്വാഡും ഒറ്റപ്പാലം പൊലീസും നടത്തിയ വാഹനപരിശോധനക്കിടെ, കാറിൽ കടത്തിയ 22 കിലോ കഞ്ചാവ് പിടികൂടി. രണ്ടുപേരെ അറസ്​റ്റ്​ ചെയ്തു. കണ്ണമംഗലം സ്വദേശികളായ പണ്ടാരപ്പെട്ടി സിറാജ് (32), തോട്ടശ്ശേരി അറയിൽ സുധീഷ് (32) എന്നിവരാണ് ഒറ്റപ്പാലത്ത് പിടിയിലായത്. തിരുപ്പൂരിൽനിന്ന്​ കൊണ്ടുവന്ന കഞ്ചാവ് മലബാർ ഭാഗത്തെ കച്ചവടക്കാർക്ക് വിതരണം നടത്താനായിരുന്നെന്നും ചില്ലറവിപണിയിൽ 22 ലക്ഷത്തോളം രൂപ വിലമതിക്കുമെന്നും പൊലീസ് പറഞ്ഞു. പ്രതികളെ വെള്ളിയാഴ്ച കോടതിയിൽ ഹാജരാക്കുമെന്ന് സി.ഐ സുജിത്ത് അറിയിച്ചു. ജില്ല പൊലീസ് മേധാവി സുജിത്ത് ദാസി​‍ൻെറ നിർദേശത്തെ തുടർന്ന് നർകോട്ടിക് സെൽ ഡിവൈ.എസ്.പി സി.ഡി. ശ്രീനിവാസ​ൻെറ നേതൃത്വത്തിൽ നടന്ന പരിശോധനയിൽ ഒറ്റപ്പാലം എസ്.എച്ച്.ഒ ടി.കെ. വിഷ്ണു പ്രദീപ്, സി.ഐ എം. സുജിത്ത്, എസ്.ഐ പി.എൽ. ജോർജ്​, എസ്.സി.പി.ഒമാരായ സി.എസ്. സാജിദ്, ഉദയൻ, സുനന്ദകുമാർ, ഡാൻസാഫ് സ്‌ക്വാഡ്​ അംഗങ്ങളായ എസ്. ജലീൽ, ആർ. കിഷോർ, അഹമ്മദ് കബീർ, ആർ. വിനീഷ്, എസ്. സനോസ്‌, ആർ. രാജിദ്, എസ്. ഷമീർ എന്നിവർ പങ്കെടുത്തു.