കോവിഡ് പ്രതിരോധത്തിന് ശൈത്യകാലം ഒരു വെല്ലുവിളി ആകുമോ; ജാഗ്രത വേണമെന്ന് കേന്ദ്ര ആരോഗ്യമന്ത്രി

ന്യൂഡൽഹി: കേരളം ഉൾപ്പെടെ ഒമ്പത്​ സംസ്​ഥാനങ്ങളിലെ കോവിഡ്​ സ്ഥിതിഗതികൾ കേന്ദ്ര ആരോഗ്യമന്ത്രി ഹർഷ്​ വർധൻ വിലയിരുത്തി. രോഗത്തിനെതിരെ നേടിയ വിജയത്തിന്​ ആഘോഷങ്ങളും ശൈത്യവും വെല്ലുവിളിയാകുമെന്ന ആശങ്ക അദ്ദേഹം പങ്കുവെച്ചു. സംസ്ഥാന ആരോഗ്യമന്ത്രിമാരും ചീഫ്​ സെക്രട്ടറിമാരും യോഗത്തിൽ പങ്കെടുത്തു. കോവിഡ്​ പ്രതിരോധത്തിൽ ശ്രദ്ധിക്കേണ്ട പ്രധാന കാര്യങ്ങൾ കേന്ദ്ര ആരോഗ്യ സെക്രട്ടറി രാജേഷ്​ ഭൂഷൺ വിശദീകരിച്ചു. ആന്ധ്ര, അസം, പശ്ചിമ ബംഗാൾ, രാജസ്​ഥാൻ, ഹിമാചൽ പ്രദേശ്​, തെലങ്കാന, പഞ്ചാബ്​, ഹരിയാന സംസ്​ഥാനങ്ങളിലെ മന്ത്രിമാരും ​പ​ങ്കെടുത്തു.