മാറഞ്ചേരി പഞ്ചായത്തിൽ വൈറ്റ്ഗാർഡ് അണു നശീകരണം നടത്തി

മാറഞ്ചേരി പഞ്ചായത്തിലെ പതിനാലാം വാർഡിൽ കോവിഡ്-19 വൈറസ് ബാധയെ തുടർന്ന് മരണപ്പെട്ടവരുടെ വീടും പരിസരവും യൂത്ത്ലീഗ് വൈറ്റ് ഗാർഡ് വളണ്ടിയർമാർ അണുനശീകരണം ചെയ്ത് വൃത്തിയാക്കി. അഡ്വ. കെ.എ ബക്കറിന്റെയും ഹന്നാൻ മാരാമുറ്റത്തിന്റേയും നേതൃത്വത്തിൽ റാഫി പത്തായി, ഷമീം പുറങ്ങ്, സൽമാൻ ഫാരിസ് സി.പി എന്നിവരാണ്  സേവന പ്രവർത്തനങ്ങളിൽ പങ്കെടുത്തത്. വീട്ടിലെ അംഗങ്ങൾ ഇന്ന് മാറഞ്ചേരിയിൽ നിന്ന് നടത്തിയ കോവിഡ് പരിശോധനയിൽ നെഗറ്റീവ് ആയിരുന്നു. പ്രവർത്തനങ്ങൾക്ക് നേതൃത്വം നൽകിയ വൈറ്റ്ഗാർഡ് വളണ്ടിയർമാരെ വാർഡ് മുസ്‌ലിം ലീഗ് കമ്മിറ്റി അനുമോദിച്ചു.