തിരൂരിലെ കടയിൽ അതിക്രമിച്ചുകയറി പണം കവർന്ന പൊന്നാനി സ്വദേശി അറസ്റ്റിൽ

തിരൂർ: കടയിൽ അതിക്രമിച്ചുകയറി പണം കവർന്ന കേസ്സിലെ പ്രതിയെ പോലീസ് അറസ്റ്റുചെയ്തു. പൊന്നാനി സ്വദേശി കറുത്തമാക്കാണ്ടകത്ത് ബദറുദ്ദീ (38)നെയാണ് തിരൂർ എസ്.ഐ' ജലീൽ കറുത്തേടത്ത് അറസ്റ്റുചെയ്തത്. കൂട്ടായിയിലെ മൊയ്തീന്റെ പുരക്കൽ സക്കീറിന്റെ കടയിൽ അതിക്രമിച്ചുകയറി മേശ വലിപ്പിൽനിന്ന്‌ പണം കളവുചെയ്ത കേസിലാണ് അറസ്റ്റ്. പറവണ്ണ വെച്ച്‌ നാട്ടുകാരുടെ സഹായത്തോടെയാണ് തിരൂർ പോലീസ് അറസ്റ്റ്ചെയ്തത്. പ്രതി നിരവധി കേസുകളിൽ ഉൾപ്പെട്ടിട്ടുള്ളതാണെന്ന് പോലീസ് പറഞ്ഞു