കാൻസർ ബോധവൽക്കരണം ജനുവരി 10 ന് ചങ്ങരംകുളത്ത്

സമൂഹത്തിൽ കാൻസർ രോഗികളുടെ വലിയ രീതിയിലുള്ള വർദ്ധനവ് കണക്കിലെടുത്തുകൊണ്ട് പ്രാരംഭഘട്ടത്തിൽ കാൻസറിന്റെ ലക്ഷണങ്ങൾ കണ്ടെത്തുന്നതിനും കാൻസർ ബാധിക്കാതിരിക്കാനുള്ള ജീവിതക്രമങ്ങൾക്കുള്ള ബോധവൽക്കരണ പരിപാടി ചങ്ങരംകുളത്ത് സംഘടിപ്പിക്കുന്നു. ജനുവരി 10 ന് ചൊവ്വാഴ്ച മലബാർ കാൻസർ സെൻറർ തലശ്ശേരിയുടെയും ചങ്ങരംകുളം കാരുണ്യം പെയിൻ ആൻഡ് പാലിയേറ്റീവ് ക്ലിനിക്കിന്റെയും സംയുക്താഭിമുഖ്യത്തിലാണ് പരിപാടി സംഘടിപ്പിക്കുന്നത്.

മലബാർ കാൻസർ സെൻററിലെ വിവിധ ഡോക്ടർമാർ ട്രെയിനിമാർ എന്നിവർ ക്ലാസുകൾക്ക് നേതൃത്വം നൽകും. രാവിലെ 9.30 മുതൽ ചങ്ങരംകുളം സ്നേഹ ഓഡിറ്റോറിയത്തിൽ വച്ച് നടക്കുന്ന പരിപാടി പി നന്ദകുമാർ എംഎൽഎ ഉദ്ഘാടനം ചെയ്യും. കാൻസറിന്റെ മാരകവിപത്തിൽ നിന്ന് നമ്മുടെ പ്രദേശത്തെ രക്ഷിക്കുക എന്ന ലക്ഷ്യത്തോടെ  നടത്തുന്ന ഈ പരിപാടിയിൽ സാമൂഹ്യ സേവന രംഗത്ത്   പ്രവർത്തിക്കുന്നവർ പ്രത്യേകിച്ച് വനിതാ പ്രവർത്തകർ കുടുംബശ്രീ പ്രവർത്തകർ വീട്ടമ്മമാർ എന്നിവർ  സംബന്ധിക്കണമെന്ന് കാരുണ്യം ഭാരവാഹികൾ അറിയിച്ചു.