സി പി ഐ എമ്മിന്റെ നേതൃത്വത്തിൽ പഞ്ചായത്ത് സെക്രട്ടറിയെ ഉപരോധിച്ചു
വെളിയംകോട് പഞ്ചായത്തിലെ 12-ാം വാർഡിലെ ഗ്രാമം ശിവ ക്ഷേത്രം റോഡിന്റെ റിപ്പയറിന് ഫണ്ട് അനുവദിച്ച് ടെണ്ടർ നടപടികൾ പൂർത്തീകരിച്ചിട്ടും പ്രവൃത്തി ആരംഭിക്കാതെ ജനങ്ങളെ ബുദ്ധിമുട്ടിക്കുന്ന കരാറുകാരന്റേയും ഒത്താശ ചെയ്യുന്ന പഞ്ചായത്ത് ഭരണ നേതൃത്വത്തിന്റേയും നടപടിയിൽ പ്രതിഷേധിച്ചും നിർമാണം ഉടൻ ആരംഭിക്കാൻ ആവശ്യപ്പെട്ടുകൊണ്ടും സി പി ഐ എമ്മിന്റെ നേതൃത്വത്തിൽ പഞ്ചായത്ത് സെക്രട്ടറിയെ ഉപരോധിച്ചു.
സി പി ഐ എം കോതമുക്ക് ബ്രാഞ്ച് സംഘടിപ്പിച്ച സമരത്തിന്റെ ഭാഗമായി പഞ്ചായത്ത് എ.ഇ യും കോൺട്രാക്ടറേയും ചേംബറിലേക്ക് വിളിച്ച് വരുത്തുകയും ഒരു മാസത്തിനകം പണി പൂർത്തികരിക്കുമെന്ന് രേഖാമൂലം എഴുതി തരുകയും ചെയ്തു. വാർഡ് മെമ്പർ പി പ്രിയ, ടി ഗിരിവാസൻ , കുമാരൻ കളത്തിൽ, പി അശോകൻ , വിജയൻ ഹരിദാസൻ , സി.പി അഭിലാഷ്, മഞ്ചേഷ് ദാസ് ,സുജിത്ത് തുടങ്ങിയവർ പങ്കെടുത്തു.
#360malayalam #360malayalamlive #latestnews
