വെളിയങ്കോട് ജി.എം.യു.പി സ്കൂളിലെ പൂർവ്വ വിദ്യാർത്ഥി സംഗമം ആഗസ്റ്റ് 27-ന്
വെളിയങ്കോട് ജി.എം.യു.പി സ്കൂളിലെ പൂർവ്വ വിദ്യാർത്ഥി സംഗമം ആഗസ്റ്റ് 27-ന് സ്കൂൾ അങ്കണത്തിൽ നടക്കും. 66 വർഷം പിന്നിട്ട സ്കൂളിൻ്റെ പ്രഥമ പൂർവ്വ വിദ്യാർത്ഥി സംഗമത്തിനുള്ള ഒരുക്കങ്ങൾക്ക് തുടക്കമായതായി സംഘാടകർ വാർത്ത സമ്മേളനത്തിൽ അറിയിച്ചു. വെളിയങ്കോട് സ്വദേശി ആനകത്ത് മുഹമ്മദ് സൗജന്യമായി വിട്ടു നൽകിയ സ്ഥലത്ത് 1956 -ൽ ഏകാധ്യാപക സ്ഥാപനമായി ആരംഭിച്ച വെളിയങ്കോട് ജി.എം.യു.പി സ്കൂൾ 1967 ലാണ് യു .പി വിദ്യാലമായി ഉയർത്തിയത്. 66 വർഷത്തിനിടയിൽ വിദ്യാലയത്തിൽ നിന്നും ആയിരങ്ങളാണ് പഠിച്ചിറങ്ങിയത്. വിവിധ മേഖലകളിലെ പ്രഗത്ഭരായ പൂർവ്വ വിദ്യാർത്ഥികൾ ഉൾപ്പെടെ സംഗമത്തിൽ പങ്കെടുക്കും.ഓർമ്മ ചില്ല എന്ന പേരിലുള്ള അലുംനിക്ക് കീഴിൽ ഒത്തുചേരാം ഓർമ്മ തണലിൽ എന്ന പേരിലാണ് സംഗമം നടത്തുന്നത്.ചടങ്ങിൽ സ്കൂളിൽ നിന്നും റിട്ടയർ ചെയ്ത അധ്യാപകരെ ആദരിക്കും.
2022 ൽ എസ്.എസ്.എൽ.സി പരീക്ഷയിൽ എ പ്ലസ് നേടിയ പൂർവ്വ വിദ്യാർത്ഥികളെയും ആദരിക്കും. ചടങ്ങ് സാഹിത്യകാരൻ ആലങ്കോട് ലീലാകൃഷ്ണൻ ഉദ്ഘാടനം ചെയ്യും. സിനിമാ താരം ഇർഷാദ് മുഖ്യാതിഥിയാകും.രാഷ്ട്രീയ, സാമൂഹ്യ രംഗത്തെ പ്രമുഖരും ചടങ്ങിൽ സംബന്ധിക്കുമെന്ന് സംഘാടകർ വാർത്ത സമ്മേളനത്തിൽ അറിയിച്ചു.പ്രൊഫ.വി.കെ ബേബി, എം.കെ മുഹമ്മദ് ഫൈസൽ , കെ.കെ ബീരാൻ കുട്ടി, ഫൗസിയ വടക്കേപ്പുറത്ത്, ഉസ്മാൻ, റസാഖ്, കുഞ്ഞി എന്നിവർ വാർത്ത സമ്മേളനത്തിൽ പങ്കെടുത്തു.
#360malayalam #360malayalamlive #latestnews
