വെളിയങ്കോട് ഫിഷറീസ് സ്കൂൾ ഗ്രൗണ്ടിലെ പരിപാടിക്കിടെ കോണി തകർന്നുവീണ് അഞ്ചുപേർക്ക് പരിക്ക്
വെളിയങ്കോട് ഫിഷറീസ് സ്കൂൾ ഗ്രൗണ്ടിലെ പരിപാടിക്കിടെ കോണി തകർന്നുവീണ് അഞ്ചുപേർക്ക് പരിക്ക്
വെളിയങ്കോട്: ഗവ. ഫിഷറീസ് എൽ.പി. സ്കൂൾ കോമ്പൗണ്ടിൽ സന്നദ്ധസംഘടനയുടെ വാർഷികാഘോഷം നടക്കുന്നതിനിടെ കോണി തകർന്നുവീണ് അഞ്ചുപേർക്ക് പരിക്ക്. വെളിയങ്കോട് തണ്ണിത്തുറ സ്വദേശികളായ സലീം (18), നിസാമുദ്ദീൻ (17), അൻഫാസ് (18), ഖസീബ് (17), ചാലിൽ ഷാഫി (18) എന്നിവർക്കാണ് പരിക്കേറ്റത്. സാരമായി പരിക്കേറ്റ സലീമിനെ ചാവക്കാട് സ്വകാര്യ ആശുപത്രിയിൽ പ്രവേശിപ്പിച്ചു. മറ്റുള്ളവർ വെളിയങ്കോട് ആസ്പെൽ ആശുപത്രിയിലും ചികിത്സയിലാണ്. ഞായറാഴ്ച രാത്രിയാണ് അപകടമുണ്ടായത്. കാരുണ്യതീരം ചാരിറ്റബിൾ ട്രസ്റ്റ് വാർഷികാഘോഷവും കുടുംബസംഗമവും വെളിയങ്കോട് ഗവ. ഫിഷറീസ് സ്കൂൾ കോമ്പൗണ്ടിൽ നടക്കുകയായിരുന്നു. ഇതിനിടയിൽ കോണി തകർന്നുവീണതിനെത്തുടർന്നാണ് അപകടമുണ്ടായത്. സർക്കാർ വിദ്യാലയങ്ങളും കോമ്പൗണ്ടും വിദ്യാഭ്യാസ ആവശ്യങ്ങൾക്കല്ലാതെ വിട്ടുകൊടുക്കരുതെന്ന ഉത്തരവ് നിലനിക്കെയാണ് ചട്ടവിരുദ്ധമായി സ്കൂൾ കോമ്പൗണ്ട് സന്നദ്ധ സംഘടനയ്ക്ക് വാർഷികം നടത്താൻ വിട്ടുകൊടുത്തതെന്ന ആക്ഷേപമുണ്ട്.
#360malayalam #360malayalamlive #latestnews