സുകൃതം വയോജന സംരക്ഷണ പദ്ധതി ഉദ്ഘാടനം ചെയ്തു
പെരുമ്പടപ്പ് ബ്ലോക്ക് പഞ്ചായത്ത് വാർഷിക പദ്ധതി 2021-22 " സുകൃതം " വയോജന സംരക്ഷണ പദ്ധതി പി. നന്ദകുമാർ എം എൽ .എ ഉദ്ഘാടനം ചെയ്തു. വയോജനങ്ങൾക്കാവശ്യമായ പോഷകാഹാരം , ആയുർവേദ മരുന്നുകൾ , മാനസിക സംഘർഷം കുറക്കുന്നതിനുള്ള കൗൺസിലിംഗ് കേന്ദ്രങ്ങൾ , ആവശ്യമുള്ളവർക്ക് നിയമ സഹായം എന്നിവ അടങ്ങുന്ന സമഗ്ര പദ്ധതിയാണ് സുകൃതം . വയോജന ക്ലബുകളുടെ ശാക്തീകരണം , വ്യാപനം , വയോജന വിനോദ വ്യായാമ പാർക്കുകൾ എന്നിവയും പദ്ധതിയുടെ ലക്ഷ്യങ്ങളാണ്.
ചടങ്ങിൽ ബ്ലോക്ക് പ്രസിഡന്റ് അഡ്വ ഇ സിന്ധു അധ്യക്ഷയായി . ബ്ലോക്ക് വൈസ് പ്രസിഡന്റ് ശ്രീമതി കെ സൗദാമിനി സ്വാഗതം പറഞ്ഞു . വെളിയങ്കോട് ഗ്രാമ പഞ്ചായത്ത് പ്രസിഡന്റ് പ്രസിഡന്റ് ഷംസു കല്ലാട്ടേൽ മുഖ്യാതിഥിയായി . പെരുമ്പടപ്പ് ഗ്രാമ പഞ്ചായത്ത് പ്രസിഡന്റ് ബിനീഷ മുസ്തഫ , ജില്ലാ പഞ്ചായത്ത് അംഗം എ.കെ സുബൈർ , ബ്ലോക്ക് സ്റ്റാന്റിംഗ് കമ്മിറ്റി ചെയർമാൻമാർ , എ എച്ച് റംഷീന , ടി. രാമദാസ് മാസ്റ്റർ , ബ്ലോക്ക് ഡിവിഷൻ അംഗങ്ങളായ പി അജയൻ , പി റംഷാദ് , വെളിയങ്കോട് ഗ്രാമ പഞ്ചായത്ത് സ്റ്റാന്റിംഗ് കമ്മിറ്റി ചെയർമാനും പ്രസ്തുത വാർഡ് മെമ്പറുമായ മജീദ് പാടിയോടത് എന്നിവർ സംസാരിച്ചു . ബ്ലോക്ക് വനിതാ ശിശു വികസന ഓഫീസർ ടി എസ് ആശാറാണി നന്ദി പറഞ്ഞു .
വെളിയങ്കോട് ഗ്രാമപഞ്ചായത്തിലെ ഗുണഭോക്താക്കൾക്കാണ് ഇന്ന് പോഷകാഹാര കിറ്റുകൾ വിതരണം ചെയ്തത് . മറ്റു പഞ്ചായത്തുകളിൽ നാളെമുതൽ വിതരണം നടത്തുമെന്നു സി ഡി പി ഒ അറിയിച്ചു .
#360malayalam #360malayalamlive #latestnews