സ്വകാര്യ ബസ് പണിമുടക്ക് ; കെഎസ്ആർടിസി അധിക സർവ്വീസുകൾ നടത്തി

സംസ്ഥാനത്ത് ഒരു വിഭാഗം സ്വകാര്യ ബസ് ഉടമകളുടെ സംഘടനകൾ സമരം നടത്തുന്നതിന്റെ അടിസ്ഥാനത്തിൽ കൂടുതൽ യാത്രാ സൗകര്യം ഒരുക്കുന്നതിന് വേണ്ടി വ്യാഴാഴ്ച 3951 സർവ്വീസുകൾ നടത്തി. വ്യാഴാഴ്ച്ചകളിൽ സാധാരണ നടത്തുന്ന സർവീസുകളേക്കാൾ  700 ഓളം സർവ്വീസുകളാണ് അധികമായി നടത്തിയത്. സ്വകാര്യ ബസുകൾ സർവ്വീസ് നടത്തിയിരുന്ന സെക്ടറിൽ യാത്രാക്കാരുടെ ആവശ്യത്തിന് അനുസരിച്ച്  കൂടുതൽ സർവ്വീസുകൾ നടത്തി. സെൻട്രൽ സോണിൽ നിന്നും 1269, നോർത്ത് സോണിൽ നിന്നും 1046, സൗത്ത് സോണിൽ നിന്നും 1633 സർവ്വീസുകളാണ് നടത്തിയത്.