പച്ചക്കറി കൃഷി ആരംഭിച്ചു
നന്നംമുക്ക് പഞ്ചായത്തിൽപ്പെട്ട നരണിപ്പുഴ പാലത്തിന്റെ വടക്ക് ഭാഗത്ത് നാല്പത് വർഷത്തോളമായി തരിശായി കിടക്കുന്ന പാടശേഖരത്തിൽ രണ്ടര ഏക്കർ സ്ഥലം പാട്ടത്തിനെടുത്ത് തരിശ് പച്ചക്കറി കൃഷി ചെയ്യുന്നതിനായി അഗ്രോ സർവീസ് സെന്റർ ഭാരവാഹികളും മാതൃഭൂമി ലേഖകനും കർഷകരും ചേർന്ന് പച്ചക്കറി കൃഷി ആരംഭിച്ചു. തൈ നട്ടുകൊണ്ട് നന്നംമുക്ക് പഞ്ചായത്ത്‌ പ്രസിഡന്റ് മിസിരിയ സൈഫുദ്ധീൻ ഉദ്ഘാടനം ചെയ്തു.
കൃഷിയുടെ കോഡിനേറ്റർ അയിരൂർ മുഹമ്മദാലി അധ്യക്ഷത വഹിച്ചു. മലപ്പുറം ജില്ലാ പഞ്ചായത്ത്‌ മെമ്പർ ആരിഫ നാസർ, പെരുമ്പടപ്പ് ബ്ലോക്ക്‌ പഞ്ചായത്ത്‌ മെമ്പർ ആശ ലത തുടങ്ങിയവർ ആശംസകൾ നേർന്നു. കെ വി കെ തവനൂരിൽ നിന്നും നഴ്സറിയിലും പച്ചക്കറി കൃഷിയിലും പരിശീലനം നേടിയവർക്കുള്ള സർട്ടിഫിക്കറ്റ് പട്ടാമ്പി കാർഷിക കോളേജിലെ ഡോ: അബ്ദുൽ ഹക്കീം വിതരണം ചെയ്തു. ഹൈ ടെക് പച്ചക്കറി കൃഷിയെക്കുറിച്ച് കെ വി കെ തവനൂരിലെ ഡോ:പ്രശാന്ത് ക്ലാസ്സെടുത്തു. അൻവർ പുലാക്കൽ, ഫാറൂഖ് വെളിയങ്കോട്, ദീപു കുന്നംവീട്ടിൽ തുടങ്ങിയവർ സംസാരിച്ചു. പരിപാടിയിൽ ഹമീദ് ചിയാന്നൂർ നന്ദി പറഞ്ഞു.
#360malayalam #360malayalamlive #latestnews #farming
