വെളിയങ്കോട് - വിള ഇൻഷുറൻസ് പോളിസി വിതരണം ചെയതു
എരമംഗലം - പ്രധാനമന്ത്രി ഫസൽ ബീമ യോജന പദ്ധതിയുടെ ഭാഗമായുള്ള കാലാവസ്ഥാധിഷ്ഠിത വിള ഇൻഷൂറൻസ് പദ്ധതിയുടെ (മേരാ പോളിസി മേരാ ഹാത്ത് ) പഞ്ചായത്ത് തല പോളിസി വിതരണ ഉദ്ഘാടനം സി.കെ. പ്രഭാകരന് നല്കി കൊണ്ട് ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു നിർവ്വഹിച്ചു . ഗ്രാമ പഞ്ചായത്ത് മെമ്പർ ഹസീന ഹിദായത്ത് അധ്യക്ഷയായി.
കാലാവസ്ഥാധിഷ്ഠിത വിള ഇൻഷൂറൻസ് പദ്ധതി പ്രകാരം ഖാരിഫ് സീസണിൽ , മലപ്പുറം ജില്ലയിൽ ഏറ്റവും കൂടുതൽ പോളിസി എടുത്ത വെളിയങ്കോട് ഗ്രാമപഞ്ചായത്തിലെ നെൽ കർഷകരെ യോഗം അഭിനന്ദിച്ചു . ജില്ലാ പഞ്ചായത്ത് മെമ്പർ എ . കെ . സുബൈർ , ബ്ലോക്ക് പഞ്ചായത്ത് മെമ്പർ പി. റംഷാദ് , സ്റ്റാൻ്റിംഗ് കമ്മിറ്റി ചെയർമാൻ സെയ്ത് പുഴക്കര , മെമ്പർമാരായ പി. വേണുഗോപാൽ , അബു താഹിർ , സബിത പുന്നക്കൽ തുടങ്ങിയവർ സംസാരിച്ചു . കൃഷി അസിസ്റ്റൻറ് ഡയറക്ടർ ഷീല പദ്ധതി വിശദീകരിച്ചു. തൃശ്ശൂർ കാർഷിക ഗവേഷണ കേന്ദ്രം അസിസ്റ്റൻ്റ് പ്രൊഫസർ ഡോ. കെ. സുനിൽ ക്ലാസ്സെടുത്തു . ക്യഷി ഓഫീസർ വി.കെ . ലമീന സ്വാഗതവും , ഇൻഷൂറൻസ് കമ്പിനി പ്രതിനിധി ശ്രീജിത്ത് നന്ദിയും പറഞ്ഞു.
#360malayalam #360malayalamlive #latestnews