ഇൻഡോർ സ്‌റ്റേഡിയത്തിന്റെ നിർമാണം തുടങ്ങി

എടപ്പാൾ ഗ്രാമ പഞ്ചായത്തിൽ നാഷണൽ റർബൻ മിഷൻ പദ്ധതിയിലൂടെ പൊറൂക്കരയിൽ നിർമിക്കുന്ന ഇൻഡോർ സ്‌റ്റേഡിയത്തിന്റെ നിർമാണോദ്ഘാടനം ഡോ. കെ.ടി ജലീൽ എം.എൽ.എ നിർവഹിച്ചു. ഗ്രാമ പഞ്ചായത്തിന് അനുവദിച്ച് കിട്ടിയ ശ്യാമപ്രസാദ് മുഖർജി റർബൻ മിഷൻ ഫണ്ടുപയോഗിച്ചാണ് സ്റ്റേഡിയത്തിന്റെ നിർമാണം. എടപ്പാൾ ഗ്രാമ പഞ്ചായത്ത് പ്രസിഡന്റ് സി.വി സുബൈദ അധ്യക്ഷയായി. വൈസ് പ്രസിഡന്റ് കെ പ്രഭാകരൻ, പൊന്നാനി ബ്ലോക്ക് പഞ്ചായത്ത് മെമ്പർ പി.വി രാധിക, ഗ്രാമ പഞ്ചായത്ത് വികസന സ്ഥിരം സമിതി ചെയർ പേഴ്സൺ റഫീഖ്, അംഗങ്ങളായ പി.വി സിന്ധു , വി.പി വിദ്യാധരൻ , മറ്റു ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.