ജില്ലാതല സോണല് സെലക്ഷന് മാര്ച്ച് രണ്ട് മുതല്
സംസ്ഥാന സ്പോര്ട്സ് കൗണ്സിലിന്റെ കീഴില് വിവിധ ജില്ലകളില് പ്രവര്ത്തിക്കുന്ന സ്പോര്ട്സ് ഹോസ്റ്റലുകള്, എലൈറ്റ്, ഓപ്പറേഷന് ഒളിമ്പിയ സ്കീമുകളില് 2022-2023 അധ്യയന വര്ഷത്തേക്കുള്ള ജില്ലാതല സോണല് സെലക്ഷന് മാര്ച്ച് രണ്ട് മുതല് 15 വരെ നടക്കും. 2022-2023 അധ്യയന വര്ഷത്തെ ഏഴ്, എട്ട് ക്ലാസുകളിലേക്കും പ്ലസ്വണ് ഡിഗ്രി ഒന്നാം വര്ഷത്തേക്കുമാണ് കായികതാരങ്ങളെ തെരഞ്ഞെടുക്കുന്നത്. ബാസ്ക്റ്റ് ബോള്, സ്വിമ്മിങ്, ബോക്സിങ്, ജൂഡോ, ഫെന്സിങ്, ആര്ച്ചറി, റസ്ലിങ്, തയ്ക്വാണ്ടോ, സൈക്ലിങ്, നെറ്റ്ബാള്, കബഡി, ഖോ ഖോ, കനോയിങ്, കയാക്കിങ്, റോവിങ്, ഹോക്കി, ഹാന്ഡ്ബോള് എന്നീ കായികയിനങ്ങളിലാണ് സോണല് സെലക്ഷന് നടക്കുക. മാര്ച്ച് രണ്ട്, മൂന്ന് തീയതികളില് കാസര്കോട്, കണ്ണൂര്, വയനാട് ജില്ലകളിലെ കുട്ടികള്ക്കായി കണ്ണൂര് പോലീസ് സ്റ്റേഡിയത്തില് സെലക്ഷന് ട്രയല്സ് നടത്തും. കോഴിക്കോട്, മലപ്പുറം, വയനാട് ജില്ലകളിലെ കുട്ടികള്ക്കായി നാല്, അഞ്ച് തീയതികളില് കാലിക്കറ്റ് യൂനിവേഴ്സിറ്റിയില് നടക്കും.
പാലക്കാട്,തൃശ്ശൂര് ജില്ലകളിലെ കുട്ടികള്ക്കായി ഏഴ്, എട്ട് തീയതികളില് തൃശ്ശൂര് കോര്പറേഷന് സ്റ്റേഡിയത്തിലും എറണാകുളം, ആലപ്പുഴ ജില്ലകളിലെ കുട്ടികള്ക്കായി ഒന്പത്, 10 തീയതികളില് എറണാകുളം മഹാരാജാസ് കോളജ് ഗ്രൗണ്ടിലും നടത്തും. കോട്ടയം, ഇടുക്കി, പത്തനംതിട്ട ജില്ലകളിലെ കുട്ടികള്ക്ക് 11,12 തീയതികളില് കോട്ടയം പാലാ മുനിസിപ്പല് സ്റ്റേഡിയത്തിലാണ് സെലക്ഷന് നടക്കുക. പത്തനംതിട്ട, കൊല്ലം, തിരുവനന്തപുരം ജില്ലകളിലെ കുട്ടികള്ക്ക് 14, 15 തീയതികളില് തിരുവനന്തപുരം യൂനിവേഴ്സിറ്റി സ്റ്റേഡിയത്തിലാണ് സെലക്ഷന് ട്രയല്സ്. അത്ലറ്റികസ്, ഫുട്ബോള്, വോളിബോള് എന്നീ കായികയിനങ്ങളില് ജില്ലാതല സെലക്ഷന് നടത്തും.
#360malayalam #360malayalamlive #latestnews #sports #selection