വെളിയംങ്കോട് പഴഞ്ഞിയിൽ വീട് കുത്തിതുറന്ന് മോഷണം.
വെളിയംങ്കോട് പഴഞ്ഞിയിൽ വീട് കുത്തിതുറന്ന് മോഷണം നടത്തി. അഞ്ചാം വാർഡിൽ പട്ടര് മഠത്തിൽ ദിനേശിൻ്റെ (ദിനു ) വീട്ടിലാണ് മോഷണം നടന്നത്. വീടിൻ്റെ മുൻ ഭാഗത്തെ വാതിൽ കുത്തിതുറന്നാണ് കള്ളൻ അകത്ത് കടന്നത്. ഞായറാഴ്ച്ച രാത്രിയോടെ മോഷണം നടന്നത്.ശനിയാഴ്ച്ച രാത്രിയിൽ കുടുംബം ബന്ധുവിൻ്റെ കല്യാണത്തിനായി വീട് പുട്ടി പോയി.തിങ്കളാഴ്ച്ച വൈകിട്ടോടെ വീട്ടിൽ തിരിച്ചെത്തിയപ്പോഴാണ് മോഷണ വിവരമറിയുന്നത്.അലമാരയിലെ വസ്ത്രങ്ങൾ വലിച്ച് വാരിയിട്ട നിലയിലായിരുന്നു.പ്രാഥമിക പരിശോധനയിൽ രണ്ട് സ്വർണാഭരണങ്ങൾ നഷ്ടപ്പെട്ടിട്ടുണ്ട്. അലമാരയിൽ സൂക്ഷിച്ചിരുന്ന ഒരു വളയും, കമ്മല്ലുമാണ് കവർന്നത്. മുറിയിൽ സുക്ഷിച്ചിരുന്ന രണ്ട് കുടുക്ക പൊട്ടിച്ച് പണവും കവർന്നിട്ടുണ്ട്.5000 രൂപയോളം നഷ്ടപ്പെട്ടതായി വീട്ടുകാർ പറഞ്ഞു.സംഭവത്തിൽ പെരുമ്പടപ്പ് പൊലീസിൽ പരാതി നൽകി. പൊലീസ് സംഘം വീട്ടിലെത്തി പരിശോധന നടത്തി.ചൊവാഴ്ച്ച വിരലടയാള വിദഗ്ദർ സ്ഥലത്തെത്തി പരിശോധന നടത്തും.
#360malayalam #360malayalamlive #latestnews
