പുഴമുല്ല ചെടികൾ നശിപ്പിച്ചവർക്കെതിരെ ജൈവ വൈവിധ്യ സംരക്ഷണ നിയമപ്രകാരം നടപടികൾ സ്വീകരിക്കാൻ തീരുമാനം
കടൽ തീര സംരക്ഷണത്തിന് പുതിയ ആശയവുമായി പെരുമ്പടപ്പ് ഗ്രാമ പഞ്ചായത്തും ജൈവ വൈവിധ്യ മാനേജ്മെന്റ് കമ്മിറ്റിയും സംയുക്തമായി പരീക്ഷണാടിസ്ഥാനത്തിൽ നടപ്പിലാക്കിയ പുഴമുല്ല ചെടികൾ നശിപ്പിച്ചവർക്കെതിരെ ജൈവ വൈവിധ്യ സംരക്ഷണ നിയമപ്രകാരം നടപടികൾ സ്വീകരിക്കുന്നതിന് പഞ്ചായത്ത് ഭരണ സമിതി യോഗം തീരുമാനിച്ചു. കേരളത്തിൽ വർദ്ധിച്ച തോതിലുണ്ടായിക്കൊണ്ടിരിക്കുന്ന ശോഷണം വൻ പാരിസ്ഥിതിക പ്രത്യാഘാതങ്ങൾ ഉണ്ടാക്കുകയാണ്. തീര സംരക്ഷണത്തിന് പാരമ്പര്യമായി ഉപയോഗിക്കുന്ന കടൽ ഭിത്തി ചെലവേറിയതും ശാശ്വത പരിഹാരമല്ല എന്നും കണ്ടെത്തിയിട്ടുണ്ട്. മലനിരകൾ വ്യാപകമായി നശിപ്പിക്കപ്പെടുകയും ചെയ്യുന്നു. ഇതിന്റെ പരിഹാരമായാണ് പെരുമ്പടപ്പ് ഗ്രാമ പഞ്ചായത്തും ജൈവ വൈവിധ്യ പരിപാലന കമ്മിറ്റിയും കൂടി കടലോര മേഖലയിൽ കണ്ടൽ ഇനത്തിൽ പെട്ട പുഴമുല്ല കേരള യൂനിവേഴ്സിറ്റി ഓഫ് ഫിഷറീസ് ആന്റ് ഓഷ്യൻ സ്റ്റഡീസ് എന്ന സ്ഥാപനത്തിന്റെ സാങ്കേതിക സഹായത്തോടെ നട്ടുപിടിപ്പിക്കാൻ തീരുമാനിച്ചത്.
പാലപ്പെട്ടി ആശുപത്രി ബീച്ചിൽ കഴിഞ്ഞ ആറ് മാസത്തിലധികമായി 500 ഓളം തൈകൾ രണ്ട് ഘട്ടങ്ങളിലായി നട്ട് പിടിപ്പിച്ച് പരിപാലിക്കുന്നു. ഏകദേശം നാല് അടിയോളം മനോഹരമായി വളർന്ന കണ്ടൽ ചെടികളാണ് യന്ത്രങ്ങൾ ഉപയോഗിച്ച് പിഴുതെറിഞ്ഞതായി കണ്ടെത്തിയിരിക്കുന്നത്. 2021 ജൂൺ അഞ്ചിനായിരുന്നു കണ്ടൽ ചെടികൾ നട്ടുപിടിപ്പിച്ചത്.
#360malayalam #360malayalamlive #latestnews #perumbadap
