വെളിയങ്കോട് ഗ്രാമ പഞ്ചായത്ത് സമഗ്ര കുടിവെള്ള പദ്ധതിക്ക് തുടക്കം കുറിച്ചു
എരമംഗലം - ജല ജീവൻ മിഷൻ പദ്ധതിയിലൂടെ 8000 കുടുംബങ്ങൾക്ക് ഭാരതപ്പുഴയിൽ നിന്നും ശുദ്ധീകരിച്ച കുടിവെള്ളം പൈപ്പിലൂടെ എത്തിക്കുന്നതിനുള്ള പ്രവർത്തനങ്ങൾക്ക് വെളിയങ്കോട് പഞ്ചായത്തിൽ തുടക്കമായി . കേന്ദ്ര - സംസ്ഥാന സർക്കാറിന്റെ സഹായത്തോടെ 7000 ലക്ഷം രൂപയാണ് പദ്ധതിക്ക് അനുവദിച്ചിട്ടുള്ളത് .
ഗ്രാമപഞ്ചായത്ത് കോൺഫറൻസ് ഹാളിൽ ചേർന്ന ജലജീവൻ ഭരണസമിതി പ്രത്യേക യോഗത്തിൽ ഗ്രാമ പഞ്ചായത്ത് കല്ലാട്ടേൽ ഷംസു അധ്യക്ഷത വഹിച്ചു . കേരള വാട്ടർ അതോറിറ്റി ടെണ്ടർ ചെയ്യുന്ന പ്രവൃത്തി കേരള അസോസിയേഷൻ ഫോർ റൂറൽഡവലപ്പ്മെന്റ് ഏജൻസി ( കാർഡ് ) മുഖേനയാണ് പദ്ധതി നടപ്പിലാക്കുക . പദ്ധതിക്ക് വേണ്ടി സെക്രട്ടറി , ഗ്രാമ പഞ്ചായത്ത് , കേരള വാട്ടർ അതോറിറ്റി , കാർഡ് എന്നീ സ്ഥാപനങ്ങളുമായി ത്രികക്ഷി കരാർ ഒപ്പ് വെച്ചു. കാർഡ് , സംസ്ഥാന പ്രൊജക്ട് ഹെഡ് കെ. ഡി . ജോസഫ് , കാർഡ് എക്സിക്യൂട്ടീവ്ഡയറക്ടർ വി.ഉമ്മർക്കോയ , കേരള വാട്ടർ അതോറ്റി അസിറ്റന്റ് എക്സിക്യൂട്ടീവ് എഞ്ചിനീയർ ജോസഫ് , തുടങ്ങിയവർ പദ്ധതി വിശദീകരിച്ചു . വൈസ് പ്രസിഡന്റ് ഫൗസിയ വടക്കേപ്പുറത്ത് , സ്റ്റാന്റിംഗ് കമ്മിറ്റി ചെയർന്മാരായ മജീദ് പാടിയോടത്ത് , സെയ്ത് പുഴക്കര , ശരീഫ മുഹമ്മദ് , മെമ്പർ ഹുസൈൻ പാടത്തകായിൽ സെക്രട്ടറി കെ .കെ.രാജൻ , പ്രൊജന്റ് കോ - ഓർഡിനേറ്റർ ദീപക് തുടങ്ങിയവർ സംസാരിച്ചു .
#360malayalam #360malayalamlive #latestnews #water
