1921 പോരാളികൾ വരച്ച ദേശഭൂപടങ്ങൾ " പുസ്തകം സമർപ്പണം പൊന്നാനിയിൽ നടന്നു.
നോവലിസ്റ്റ് പി.സുരേന്ദ്രൻ്റെ1921 പോരാളികൾ വരച്ച ദേശഭൂപടങ്ങൾ എന്ന പുസ്തകത്തിൻ്റെ സമർപ്പണം പൊന്നാനിയിൽ നടന്നു. മലബാർ സമരത്തിൻ്റെ ഭാഗമായ പൊന്നാനി വെട്ടം പോക്കിരയകം തറവാട്ടിലാണ് പുസ്ത സമർപ്പണം നടന്നത്
മലബാർ സമരത്തിന്റെ ഓർമകൾ ഉണർത്തുന്ന നോവലിസ്റ്റ് പി. സുരേന്ദ്രൻ രചിച്ച ''1921 പോരാളികൾ വരച്ച ദേശഭൂപടങ്ങൾ " പുസ്തകം മലബാർ പോരാട്ടത്തിൻ്റെ പ്രധാന കേന്ദ്രങ്ങളിൽ സമർപ്പിക്കുന്നതിൻ്റെ ഭാഗമായാണ് പൊന്നാനിയിലും സമർപ്പണ ചടങ്ങ് നടന്നത്. മലബാർ സമരത്തിന് വേദിയായ ഇടങ്ങളും, സമരത്തിൽ പങ്കെടുത്തവരുടെ പിൻതലമുറയിലുള്ളവരെ നേരിൽ കണ്ടുമാണ് പുസ്തകം രചിച്ചിട്ടുള്ളത്. മലബാർ സമരക്കാർക്ക് ഭക്ഷണം നൽകി സൽക്കരിച്ചു ചരിത്രത്തിൽ ഇടം നേടിയ വെട്ടം പോക്കിരയകം തറവാട് കാരണവർ വടകര മശ്ഹൂർ ആറ്റകോയ തങ്ങൾക്ക് നോവലിസ്റ്റ് പി സുരേന്ദ്രൻ പുസ്തകം സമർപ്പിച്ചു. ചടങ്ങിൽ മുൻ നഗരസഭ ചെയർമാൻ വി പി ഹുസൈൻ കോയ തങ്ങൾ, പൊന്നാനി മഖദൂം മുത്തുകോയ തങ്ങൾ, ചരിത്രകാരൻ അബ്ദുറഹിമാൻ കുട്ടി മാസ്റ്റർ, പബ്ലിസിറ്റി ചെയർമാർ മുഹമ്മദ് പൊന്നാനി, കെ.എം അബ്ദുറഹിമാൻ, റഫീക്ക് പെരുമുക്ക്, കെ. മണികണ്ഠൻ, യു.കെ അമാനു ,എം .പി നിസാർ തുടങ്ങിയവർ സംബന്ധിച്ചു
#360malayalam #360malayalamlive #latestnews #book