വില്ലേജ് ഡവലപ്പ്മെന്റ് പ്ലാനിന്റെ അവലോകന യോഗം നടന്നു
വെളിയങ്കോട് ഗ്രാമ പഞ്ചായത്തിനെ 2019 - ൽ എം.പി. ഇ.ടി. മുഹമ്മദ് ബഷീർ സൻസദ് ആദർശ് ഗ്രാം യോജന ( സാഗി ) പദ്ധതിയിൽ ഉൾപ്പെടുത്തി വിവിധ കേന്ദ്ര - സംസ്ഥാന പ്രാദേശിക സർക്കാറുകളുടെ പദ്ധതികളും ചേർത്ത് പ്രകൃതിയും മനുഷ്യനും ചേർന്ന പ്രകൃതി സൗഹൃദ വികസനം ഗ്രാമത്തിന്റെ സർവ്വ മേഖലയിലും എത്തിച്ച് ആദർശ ഗ്രാമമാക്കുക എന്ന ലക്ഷ്യത്തോടെ പഞ്ചായത്തിന്റെ വില്ലേജ് ഡവലപ്പ്മെന്റ് പ്ലാനിന്റെ അവലോകന യോഗം ഗ്രാമപഞ്ചായത്ത് കോൺഫറൻസ് ഹാളിൽ വെച്ച് നടന്നു . പ്രസിഡന്റ് കല്ലാട്ടേൽ ഷംസു അധ്യക്ഷത വഹിച്ചു . സാഗി പദ്ധതിയുടെ ജില്ലാ പ്രൊജക്ട് ഡയറക്ടർ പ്രീതി മേനോൻ അവലോകന യോഗം ഉദ്ഘാടനം ചെയ്തു . അസിസ്റ്റന്റ് ഡവലപ്പ് കമ്മീഷണർ പി . ബൈജു പദ്ധതി വിശദീകരണം നടത്തി . വൈസ് പ്രസിഡന്റ് ഫൗസിയ വടക്കേപ്പുറത്ത് , സ്റ്റാന്റിംഗ് കമ്മിറ്റി ചെയർമാന്മാരായ മജീദ് പാടിയോടത്ത് , സെയ്ത് പുഴക്കര , ഷരീഫ മുഹമ്മദ് , മെമ്പർ ഹുസ്സൈൻ പാടത്തകാ യിൽ , സെക്രട്ടറി കെ. കെ. രാജൻ , ബ്ലോക്ക് ജനറൽ എക്സ്റ്റൻഷൻ ഓഫീസർ ടി. ജമാലുദ്ധീൻ തുടങ്ങിയവർ സംസാരിച്ചു . ഗ്രാമ പഞ്ചായത്തിലെ നിർവ്വഹണ ഉദ്യോഗസ്ഥർ , വിവിധ ഡിപ്പാർട്ട്മെന്റിനെ പ്രതിനിധീകരിച്ച് ഉദ്യോഗസ്ഥർ തുടങ്ങിയവർ പങ്കെടുത്തു.
#360malayalam #360malayalamlive #latestnews