എടപ്പാളിലെ റീഗൽ ജ്വല്ലറിയിൽ രണ്ടാഴ്ചക്കുള്ളിൽ സന്ദർശനം നടത്തിയവർ നിരീക്ഷണത്തിൽ പോകണം

എടപ്പാൾ : എടപ്പാളിലെ റീഗൽ ജ്വല്ലറിയിൽ രണ്ടാഴ്ച്ചക്കുള്ളിൽ സന്ദർശനം നടത്തിയവർ നിർബന്ധമായും  സ്വയം നിരീക്ഷണത്തിൽ കഴിയണമെന്ന് ചങ്ങരംകുളം പോലീസ് അറിയിച്ചു.

കഴിഞ്ഞ ദിവസം എടപ്പാളിലെ റീഗൽ  ജ്വല്ലറികളിലെ പത്ത് ജീവനക്കാര്‍ക്ക് കോവിഡ് സ്ഥിരീകരിച്ചിരുന്നു. ഇതിനേ തുടര്‍ന്ന് രണ്ട് ജ്വല്ലറികളും അടച്ചിട്ടിരുന്നു. പൊന്നാനി റോഡിലും, കോഴിക്കോട് റോഡിലുമുള്ള ജ്വല്ലറിയിലെ പത്ത് ജീവനക്കാര്‍ക്കാണ് ചൊവ്വാഴ്ച്ച കോവിഡ്സ്ഥിരീകരിച്ചത്. ഇതിനെ തുടർന്നാണ് രണ്ടാഴ്ചക്കുള്ളിൽ  ജ്വല്ലറിയുമായി ബന്ധപ്പെട്ടവരും, ജീവനക്കാരുമായി സമ്പർക്കം പുലർത്തിയവരും സ്വയം നിരീക്ഷണത്തിൽ പോകണമെന്ന് അധികൃതർ അറിയിച്ചിരിക്കുന്നത്.