തൃശൂർ, പാലക്കാട് ജില്ലകളിൽ ഭൂചലനം; നിരവധി വീടുകളിൽ വിള്ളൽ

സംസ്ഥാനത്ത് തൃശൂർ, പാലക്കാട് ജില്ലകളിലെ വിവിധയിടങ്ങളിൽ നേരിയ ഭൂചലനം. തൃശൂരിൽ റിക്ചർ സ്കെയിലിൽ 3.3 രേഖപ്പെടുത്തിയ ഭൂചലനം അനുഭവപ്പെട്ടത് പീച്ചി, പട്ടിക്കാട് മേഖലയിലാണ്. പാലക്കാട് കിഴക്കഞ്ചേരിയിലെ മലയോരമേഖലയായ പാലക്കുഴിയിലും ഭൂചലനമുണ്ടായി. ഇടിമുഴക്കം പോലുള്ള ശബ്ദമുണ്ടായെന്നും അഞ്ച് സെക്കന്റ് നീണ്ടു നിന്നുവെന്നും നാട്ടുകാർ പറയുന്നു. പനംകുറ്റി, വാൽക്കുളമ്പ്, പോത്തുചാടി, രക്കാണ്ടി മേഖലയിലും ഭൂചനമുണ്ടായി. നിരവധി വീടുകളുടെ ഭിത്തികളിൽ വിള്ളലുകളുണ്ടായി.