കാർഷിക പ്രവർത്തനങ്ങൾ ഏകോപിപ്പിക്കാൻ യോഗം ചേർന്നു
പെരുമ്പടപ്പ് ബ്ലോക്ക് പരിധിയിലെ പൊന്നാനി കോൾ മേഖലയിലെ കാർഷിക പ്രവർത്തനങ്ങൾ ഏകോപിപ്പിക്കുന്നതിനും അടിസ്ഥാന പ്രശ്നങ്ങൾ പരിഹരിക്കുന്നതിനും കാർഷിക കലണ്ടർ തയ്യാറാക്കുന്നതിനും ആയി കർഷകരുടെയും ബന്ധപ്പെട്ട മേഖലയിലെ വിദഗ്ധരുടെയും യോഗം ചേർന്നു .
വിവിധ കോൾ പടവുകളിലെ പ്രശ്നങ്ങൾ കർഷകർ അവതരിപ്പിച്ചു . കാലാവസ്ഥ പ്രശ്നങ്ങൾ മൂലം ഉണ്ടാകുന്ന കൃഷിനാശം കുറയ്ക്കുന്നതിനായി കഴിയാവുന്ന കോൾ പടവുകളിൽ നേരത്തെ കൃഷി ഇറക്കാനും വൈകി തുടങ്ങുന്ന പടവുകളിൽ മൂപ്പു കുറഞ്ഞ വിത്തിനങ്ങൾ ഉപയോഗിക്കുന്നതിനും ധാരണയായി . കെ.എൽ.ഡി.സിയുടെ നേതൃത്വത്തിൽ നടക്കുന്ന പ്രവർത്തികൾ സമയബന്ധിത മായി പൂർത്തീകരിക്കുന്നതിന് നിർദേശം നൽകി . ബിയ്യം റെഗുലേറ്ററിലെ ജലവിതാനം നിയന്ത്രിച്ചു പരമാവധി കൃഷിക്ക് വെള്ളം ഉപയോഗിക്കാൻ കഴിഞ്ഞിരുന്ന മുൻപത്തെ സമിതി പുനഃസ്ഥാപിക്കാൻ ധാരണയായി . ഭാരതപ്പുഴയിൽ നിന്നും വെള്ളം ബിയ്യം കായലിലേക്കെത്തിക്കുന്നതിനുള്ള ഇന്റർ ലിങ്ക് കനാലിന്റെ DPR തയ്യാറായി വരുന്നു . അത് പൂർത്തീകരിച്ചു സർക്കാരിലേക്ക് ഉടൻ സമർപ്പിക്കാൻ തീരുമാനിച്ചു . നബാർഡ് ആർ.ഐ.ഡി.എഫ് പദ്ധതിയിൽ പരമാവധി പദ്ധതികൾ സമർപ്പിക്കാനും ധാരണയായി .
പെരുമ്പടപ്പ് ബ്ലോക്കിന്റെ പദ്ധതിയിൽ ഉൾപ്പെടുത്തി പാടശേഖരങ്ങൾക്ക് ആവശ്യമായ വിത്തു ഉല്പാദിപ്പിക്കുന്ന "വിത്തു ബാങ്ക് " പദ്ധതി ഈ വർഷം നടപ്പാക്കുന്നതിന് ആവശ്യമായ സഹായസഹകരണങ്ങൾ എല്ലാ മേഖലയിൽ നിന്നും സാധ്യമാക്കുന്നതിനു തീരുമാനിച്ചു . കൃഷി ഓഫീസർമാരുടെ നേതൃത്വത്തിൽ അതാതു പഞ്ചായത്തു തല യോഗം വിളിച്ചു ചേർത്തു തുടർ നടപടി സ്വീകരിക്കും .
പഞ്ചായത്തിൽ നിന്നും ഒരു കർഷകനെ ഉൾപ്പെടുത്തി " ബ്ലോക്ക് തല കർഷക സഹായ സമിതി " രൂപീകരിച്ചു മുന്നോട്ടു പോകും .
ബ്ലോക്ക് പഞ്ചായത്ത് പ്രസിഡന്റ് അഡ്വ ഇ സിന്ധുവിന്റെ അധ്യക്ഷതയിൽ ചേർന്ന യോഗത്തിൽ ബ്ളോക് മെമ്പർമാരായ കരുണാകരൻ , രാമദാസ് മാഷ് , എ.ഡി.എ ഷീന , AEXE മേജർ ഇറിഗേഷൻ സുരേഷ്‌കുമാർ , AEXE മൈനർ ഇറിഗേഷൻ വിശ്വനാഥൻ , റിബിൾഡ് കേരള കോ ഓർഡിനേറ്റർ വിവൻസി KLDC എഞ്ചിനീയർ , AGRI ASST എക്സി എഞ്ചിനീയർ മലപ്പുറം , BDO അമൽദാസ് , GEO ടി.ജമാലുദ്ധീൻ കൃഷി ഓഫീസർമാർ 'പൊന്നാനി കോൾ സംരക്ഷണസമിതി സെക്രട്ടറി ജയാനന്ദൻ KA , പ്രസിഡന്റ് ആലിക്കുട്ടി ഹാജി ,ഓരോ പാടശേഖരത്തിൽ നിന്നും ഓരോ പ്രതിനിധികൾ അടക്കമുള്ളവർ പങ്കെടുത്തു.
#360malayalam #360malayalamlive #latestnews #perumbadapp
