ആശാവർക്കർമാരെ നെഞ്ചോട്ച്ചേർത്ത് വെളിയൻകോട് മണ്ഡലം യൂത്ത് കോൺഗ്രസ്

യൂത്ത് കോൺഗ്രസ് ദിനത്തിൽ വെളിയൻകോട് പഞ്ചായത്തിലെ മുഴുവൻ ആശ വർക്കാർമാർക്കും ഓണക്കോടി വിതരണം ചെയ്ത് യൂത്ത് കോൺഗ്രസ് പ്രവർത്തകർ. കോവിഡ് മഹാമാരിയിൽ ജനങ്ങളെ നെഞ്ചോട് നേർത്തുനിർത്തി കോവിഡിനെതിരെ പോരാടിയ ആശാവർക്കർമാരോടുള്ള ആദരസൂചകമായാണ് ഓണക്കോടി നൽകിയതെന്ന് ഭാരവാഹികൾ അറിയിച്ചു. മണ്ഡലം യൂത്ത് കോൺഗ്രസ് പ്രസിഡന്റ് ഷിബു കളത്തിപറമ്പിൽ അധ്യക്ഷത വഹിച്ച പരിപാടിയിൽ മണ്ഡലം യൂത്ത് കോൺഗ്രസ് ജനറൽ സെക്രട്ടറി നബീൽ ബിൻ അബൂബക്കർ സ്വാഗതം പറഞ്ഞു.  ജില്ലാ കോൺഗ്രസ് കമ്മിറ്റി അംഗം സി.കെ പ്രഭാകരൻ ഓണക്കോടി വിതരണം ഉദ്ഘാടനം ചെയ്ത് സംസാരിച്ചു. പരിപാടിയിൽ പെരുമ്പടപ്പ് ബ്ലോക്ക് പഞ്ചായത്ത് മെമ്പർ പി.റംഷാദ് മുഖ്യപ്രഭാഷണം നടത്തി. മണ്ഡലം കോൺഗ്രസ് പ്രസിഡൻറ് പി. രാജാറാം, സുരേഷ് പാട്ടത്തിൽ(ഐ.ൻ.സി പ്രവാസി), പൊന്നാനി നിയോജക മണ്ഡലം യൂത്ത് കോൺഗ്രസ് പ്രസിഡന്റ് വിനു എരമംഗലം എന്നിവർ ആശംസകളും യൂത്ത് കോണ്ഗ്രസ് മണ്ഡലം ജനറൽ സെക്രട്ടറി റംസി റമീസ് നന്ദിയും അറിയിച്ചു സംസാരിച്ചു. വാർഡ് മെമ്പർമാരുടെ പ്രതിനിധിയായി റസ്ലത്ത്‌ സക്കീറും ആശാവർക്കാർമരുടെ പ്രതിനിധിയായി സീന രാജനും സംസാരിച്ചു.