ജമീലത്താക്ക് വീടൊരുക്കി നാട്ടുകാരുടെ കൂട്ടായ്മ
ജമീലത്താക്ക് വീടൊരുക്കി നാട്ടുകാരുടെ കൂട്ടായ്മ
മാറഞ്ചേരി പരിച്ചകം അല്ലിപ്പറമ്പ് പള്ളിക്കടുത്ത് താമസിക്കുന്ന ജമീല എന്ന സഹോദരിയുടെ വീടിനു വേണ്ടിയുള്ള കാത്തരിപ്പിനു വിരാമമായി .
നാട്ടുകാർ ചേർന്ന് രൂപീകരിച്ച "ജമീലാത്തക്കൊരു വീട് " എന്ന കൂട്ടായ്മയിലൂടെ നാട്ടുകാരായ ഉദാരമതികൾ നൽകിയ സഹായങ്ങൾ ഒരുക്കൂട്ടി വളരെ മനോഹരമായ വീട്ടിൽ ജൂൺ 30 ബുധനാഴ്ച ജമീലത്ത താമസം തുടങ്ങി . കാലത്ത് 10.30 നു നടന്ന ലളിതമായ ചടങ്ങിൽ താക്കോൽ ദാന കർമ്മം വീട് നിർമ്മാണ കമ്മറ്റി രക്ഷാധികാരി അഷ്റഫ് അയക്കുളത്തേൽ ചെയർമാനും വാർഡ് മെമ്പറുമായ മെഹ്റലി കടവിലും ചേർന്ന് നിർവ്വഹിച്ചു .ചടങ്ങിൽ കമ്മറ്റി അംഗങ്ങങ്ങളായ മുൻ പഞ്ചായത്ത് പ്രസിഡണ്ട് സ്മിത ജയരാജ് ,ലത്തീഫ് താഴത്തെയിൽ ,അബ്ദുൽ നാസർ ടി പി സി , അഷ്റഫ് കാരാട്ടയിൽ ,നാസർ വി കെ ,കുഞ്ഞു വി കെ , അഷ്റഫ് മുട്ടിക്കലയിൽ , അബൂബക്കർ കണ്ണാത്ത് , കുഞ്ഞിമോൻ പി പി ,സലിം പുത്തൻപുരയിൽ ,മുസ്തഫ കെ കെ സി , കെ പി സലിം എന്നിവരും സന്നിഹിതരായിരുന്നു .
ഏകദേശം 225 ആളുകൾ സാമ്പത്തികമായും സാധന സാമഗ്രികളുമായും ഈ പദ്ധതിയിൽ സഹകരിച്ചു .സഹായിച്ചവർക്കും സഹകരിച്ചവർക്കും കമ്മറ്റി പ്രത്യേകം നന്ദി രേഖപ്പെടുത്തി .
പരിച്ഛകം ഭാഗത്ത് താൽകാലികമായി രൂപീകരിച്ച ഈ കൂട്ടായ്മ നിലനിറുത്തി പുതിയ പേരിൽ പ്രവർത്തനങ്ങൾ മുന്നോട്ട് കൊണ്ടുപോകാൻ ആഗ്രഹിക്കുന്നതായി ഭാരവാഹികൾ അറിയിച്ചു .പ്രയാസപ്പെടുന്ന നിരവധി ആളുകൾ സഹായങ്ങൾക്കായി കൂട്ടായ്മയെ സമീപിക്കുന്നുണ്ട് . നാട്ടുകാരുടെയും ഉദാരമതികളുടെയും സഹകരണത്തോടെ കൂടുതൽ സജീവമായി കഴിയാവുന്ന സഹായങ്ങൾ ചെയ്യാൻ എല്ലാവരുടെയും പിന്തുണയുണ്ടാകണമെന്നും അറിയിച്ചു .
#360malayalam #360malayalamlive #latestnews